ஈரான் கடற்படைக்கு பேரிடியான அமெரிக்காவின் A-10 Warthog தாக்குதல் விமானம்!
அமெரிக்க விமானப்படை ஓய்வு பெறத் திட்டமிட்டிருந்த பழமையான தாக்குதல் விமானமான A-10 Warthog தற்போது ஈரான் போரில் முக்கிய பங்கு வகிக்து வருவதாக அமெரிக்க உயர்மட்ட இராணுவ அதிகாரி டேன் கெய்ன் தெரிவித்துள்ளார்.
பென்டகன் செய்தியாளர் சந்திப்பில் பேசிய அவர், ஹோர்முஸ் நீரிணையின் தெற்கு பகுதியில் A-10 Warthog விமானங்கள் தற்போது செயல்பட்டு, வேகமாக தாக்கும் படகுகளை வேட்டையாடி அழித்து வருவதாக கூறியுள்ளார்.
காவல் தேவதை
1976ஆம் ஆண்டு சேவையில் அறிமுகமான இந்த இரட்டை இயந்திரத் தாக்குதல் விமானம், 1991 ஆம் ஆண்டு வளைகுடாப் போர் மற்றும் பின்னர் ஆப்கானிஸ்தானில் நடந்த போர்களில் முக்கிய பங்காற்றியது.நிலைப்படை வீரர்களுக்கு அருகாமையில் ஆதரவு வழங்கும் திறனால், பலர் இதனை காவல் தேவதை என்று அழைத்துள்ளனர்.
Image Credit: The War Zone
இந்த விமானத்தின் 30 மில்லிமீட்டர் Gatling துப்பாக்கியின் “brrrrr” என்ற ஒலி போர் களத்தில் மிகவும் பிரபலமானதாகும். இதற்கு மேலாக ஏவுகணைகள், வழிகாட்டும் மற்றும் வழிகாட்டாத குண்டுகள் உள்ளிட்ட பல்வேறு ஆயுதங்களை ஏந்தும் திறனும் இதற்கு உள்ளது.
பராமரிப்பு செலவுகள்
கடுமையாக சேதம் அடைந்தாலும் செயல்படக்கூடிய வலிமை கொண்ட இந்த விமானத்தில், விமானி டைட்டேனியம் பாதுகாப்புடன் இருப்பதுடன், ஒரு இயந்திரம் அல்லது சிறகின் பகுதி சேதமடைந்தாலும் பறக்க முடியும்.
Image Credit: Military.com
50 ஆண்டுகளுக்கும் மேலான பழைய விமானமாக இருப்பதால் பராமரிப்பு செலவுகள் அதிகம் என்பதால், இதனை ஓய்வு பெறச் செய்ய அமெரிக்க விமானப்படை திட்டமிட்டிருந்தது.அதன் பதிலாக F-35 Lightning II விமானங்கள் இந்த பங்குகளை ஏற்க திட்டமிடப்பட்டுள்ளன.
எனினும், அமெரிக்க காங்கிரஸில் இருந்து ஆதரவு இருப்பதால் குறைந்தது 103 A-10 விமானங்களை சேவையில் வைத்திருக்க வேண்டும் என சட்டத்தில் குறிப்பிடப்பட்டுள்ளது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
