அலி கமேனி படுகொலை - உலகளாவிய சட்ட நெறிமுறைகளை அழித்துவிடும் : ஈரான் ஜனாதிபதி எச்சரிக்கை
ஈரானின் முன்னாள் உச்ச தலைவர் அயதுல்லா அலி கமேனியின் படுகொலை "உலகளாவிய சட்ட நெறிமுறைகளை அழித்துவிடும்" என்று அந்நாட்டின் ஜனாதிபதி மசூத் பெஷெஷ்கியன் (Masoud Pezeshkian) தெரிவித்துள்ளார்.
ஈரான் ஜனாதிபதி வெளியிட்ட ஒரு சமூக ஊடகப் பதிவில், இஸ்ரேல் மற்றும் அமெரிக்கா ஆகிய இரு நாடுகளையும் விமர்சித்ததுடன், அவர்களின் நடவடிக்கைகள் "சர்வதேச சர்ச்சைகளில் ஒரு புதிய முன்னுதாரணத்தை உருவாக்கும்" என்று குறிப்பிட்டார்.
இந்த நிலையில் அவர் வெளியிட்ட பதிவில், சியோனிச ஆட்சியின் இயல்பே அரச பயங்கரவாதம்தான். ஆயினும், ஈரானுக்கு எதிரான அமெரிக்காவின் ஆக்கிரமிப்பும், தியாகி தலைவரின் படுகொலையும் சர்வதேச சர்ச்சைகளில் ஒரு புதிய முன்னுதாரணத்தை உருவாக்குகின்றன.
மொஜ்தபா கமேனி பதவியேற்றார்
இது உலகளாவிய சட்ட நெறிமுறைகளை அழித்துவிடும். உலகம் உறுதியாக நிற்கத் தவறினால், அதன் தீப்பிழம்புகள் பலரைச் சுட்டெரிக்கும்” என குறிப்பிடப்பட்டுள்ளது.
இதேவேளை ஈரானுக்கு எதிரான போரின் முதல் நாளன்று தெஹ்ரானில் உள்ள அவரது வளாகத்தில் முன்னாள் உச்ச தலைவர் அயதுல்லா அலி கமேனி கொல்லப்பட்டார். அவர் 37 ஆண்டுகளுக்கும் மேலாக உச்ச தலைவராக இருந்து வந்தார்.
அவரது மரணத்தைத் தொடர்ந்து, கமேனியின் மகன் மொஜ்தபா கமேனி உச்ச தலைவர் பதவியை ஏற்றார், இருப்பினும் அவர் அன்று முதல் பொதுவெளியில் காணப்படவில்லை, இது அவரது உடல்நிலை குறித்த நிச்சயமற்ற தன்மையை மேலும் அதிகரித்துள்ளது.
you may like this
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
செம்மணி: நிலத்தின் கீழிலிருந்து எழும் எலும்புக்கூடுகளின் போராட்டம்… 11 மணி நேரம் முன்
இப்போதும் அகதிகளாகிக் கொண்டே இருக்கிறோம்…!
3 நாட்கள் முன்
15 முறை நீதிமன்றத்தில் முன்னிலையாகாமல் தவிர்த்த கோட்டாபய
4 நாட்கள் முன்
