பிரபல பாதாள உலக குழு உறுப்பினரின் மனைவி கட்டுநாயக்காவில் குழந்தையுடன் கைது
இந்தோனேசியாவின் ஜகார்த்தாவில் கைது செய்யப்பட்ட ஒழுங்கமைக்கப்பட்ட குற்றக் கும்பலின் உறுப்பினர்களில் ஒருவரான பெக்கோ சமனின் மனைவி, நேற்று (08/29) மாலை கட்டுநாயக்க விமான நிலையத்திற்கு வந்தபோது குற்றப் புலனாய்வுத் துறை அதிகாரிகள் குழுவால் கைது செய்யப்பட்டார்.
30 வயதான சஜிகா லக்சனி பத்தினியுடன் அவரது மூன்று வயது மகளும் காவல்துறையினரால் கைது செய்யப்பட்டுள்ளார்.
இந்தோனேசியாவிலிருந்து வந்தவேளை கைது
அவர்கள் நேற்று மாலை 05.50 மணிக்கு இந்தோனேசியாவின் ஜகார்த்தாவிலிருந்து சிறிலங்கன் ஏர்லைன்ஸ் விமானம் UL-365 மூலம் கட்டுநாயக்க விமான நிலையத்திற்கு வந்தடைந்தனர்.
விமானம் கட்டுநாயக்க விமான நிலையத்தை வந்தடைந்த பிறகு, இலங்கை பாதுகாப்பு அதிகாரிகள் குழு விமானத்திற்குச் சென்று அவரை குடிவரவு மற்றும் குடியகல்வுத் துறை அதிகாரிகளிடம் அழைத்துச் சென்றது. அதன் பிறகு அனுமதி அளிக்கப்பட்டு, வாக்குமூலங்களைப் பதிவு செய்வதற்காக விமான நிலையம் குற்றப் புலனாய்வுத் துறை அதிகாரிகளிடம் ஒப்படைக்கப்பட்டார்.
நீதிமன்றத்தால் பிடியாணை
இதேவேளை பெக்கோ சமனின் மனைவிக்கு எதிராக எம்பிலிபிட்டி நீதவான் நீதிமன்றத்தால் பிடியாணை பிறப்பிக்கப்பட்டுள்ளதாக சிரேஷ்ட காவல்துறை அதிகாரி ஒருவர் தெரிவித்தார்.
42 கிலோ ஹெரோயின் வைத்திருந்த சம்பவம் தொடர்பாக பெக்கோ சமனுக்கு எதிராக எம்பிலிபிட்டி நீதவான் நீதிமன்றத்தில் வழக்கு நிலுவையில் உள்ளதாகவும், அந்த வழக்கு தொடர்பாக பெக்கோ சமனின் மனைவிக்கு எதிராக நீதவான் நீதிமன்றத்தால் பிடியாணை பிறப்பிக்கப்பட்டுள்ளதாக குறித்த அதிகாரி தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025