பலாங்கொடை மண்சரிவு : காணாமல் போனோர் சடலங்களாக மீட்பு!
பலாங்கொடை கவரன்ஹேன – வெயின்தென்ன பகுதியில் ஏற்பட்ட மண்சரிவில் சிக்கி காணாமல் போயிருந்த நால்வரும் சடலங்களாக இன்று (14) மீட்கப்பட்டுள்ளனர்.
ஒரே குடும்பத்தை சேர்ந்த தந்தை, தாய் மற்றும் அவர்களது இரண்டு பிள்ளைகளே இவ்வாறு மண்சரிவில் சிக்கி உயிரிழந்துள்ளனர்.
சிறிலங்கா அனர்த்த முகாமைத்துவ அதிகாரிகள், இராணுவத்தினர் மற்றும் பிரதேசவாசிகளின் உதவியுடன் மேற்கொண்ட தேடுதல் நடவடிக்கையின் போதே, குறித்த நால்வரினதும் சடலங்கள் மீட்கப்பட்டுள்ளன.
பலாங்கொடை மண்சரிவு
பலாங்கொடை கவரன்ஹேன – வெயின்தென்ன பகுதியில் நேற்று முன்தினம் ஏற்பட்ட மண்சரிவு காரணமாக ஒரே குடும்பத்தைச் சேர்ந்த நால்வர் காணாமல் போயிருந்தனர்.
சீரற்ற காலநிலைக்கு மத்தியிலும் கடந்த இரு நாட்களாக மீட்பு பணிகள் முன்னெடுக்கப்பட்டிருந்தன.
இதனை தொடர்ந்து, காணாமல் போன குறித்த நால்வரினதும் சடலங்கள் இன்று மீட்கப்பட்டுள்ளன.
மண்சரிவின் பாதிப்பு
இதேவேளை, இந்த மண்சரிவில் இரண்டு வீடுகள் சேதமடைந்துள்ளதாகவும், பாதிக்கப்பட்ட மக்கள் பாதுகாப்பான இடங்களுக்கு அனுப்பப்பட்டுள்ளதாகவும் சிறிலங்கா அனர்த்த முகாமைத்துவ மத்திய நிலையம் தெரிவித்துள்ளமை குறிப்பிடத்தக்கது.
யாழ் கரவெட்டி மேற்கு, Jaffna, உரும்பிராய், Ajax, Canada
13 Nov, 2021
எழுதுமட்டுவாள், மீசாலை சாவகச்சேரி, Kuala Lumpur, Malaysia
07 Nov, 2024
தாவடி, கொக்குவில் மேற்கு, கொழும்பு, அமெரிக்கா, United States, கனடா, Canada
09 Nov, 2023
