தேர்தல் குறித்து தீர்மானமெடுக்க பசில் ராஜபக்ச தேர்தல் ஆணையாளரல்ல : சாமர சம்பத் காட்டம்
எந்த தேர்தலை நடத்த வேண்டும் என்று அவர் தீர்மானிப்பதற்கு சிறிலங்கா பொதுஜன பெரமுனவின் ஸ்தாபகர் பசில் ராஜபக்ச தேர்தல் ஆணையாளரல்ல என கைத்தொழில் இராஜாங்க அமைச்சர் சாமர சம்பத் தெரிவித்துள்ளார்.
இதேவேளை அரசியலமைப்பின் பிரகாரம் அதிபர் தேர்தல் இடம்பெறும் என சுட்டிக்காட்டினார்.
கொழும்பில் நேற்று(28) இடம்பெற்ற நிகழ்வில் கலந்து கொண்டதன் பின்னர் ஊடகங்களுக்குக் கருத்து தெரிவிக்கையில் மேற்கண்டவாறு குறிப்பிட்டார்.
நெருக்கடிக்கடியில் இருந்து மீண்டுள்ளது
இது தொடர்பில் அவர் மேலும் தெரிவித்ததாவது, “அதிபர் ரணில் விக்ரமசிங்கவின் தலைமைத்துவத்தில் நாடு பாரிய நெருக்கடிக்கடியில் இருந்து மீண்டுள்ளது என்பதை ஏற்றுக்கொள்ள வேண்டும்.
அரசாங்கத்தை தற்போது பொறுப்பேற்க தயார் என குறிப்பிடும் தரப்பினர் 2022 ஆம் ஆண்டு ஓடி ஒளிந்ததை மறந்து விடக்கூடாது.
அதிபர் ரணில் விக்ரமசிங்க தலைமையிலான அரசாங்கத்தை நாங்கள் தோற்றுவிப்போம். அவரையே அதிபர் வேட்பாளராக களமிறக்குவோம். ஐக்கிய மக்கள் சக்தியினரும் அதிபருக்கு ஆதரவு வழங்குவார்கள்.
அதிபர் தேர்தல்
எந்த தேர்தலை முதலில் நடத்த வேண்டும் என்பதை தீர்மானிப்பதற்கு பசில் ராஜபக்ச தேர்தல்கள் ஆணையாளரல்ல, அரசியலமைப்பின் பிரகாரம் முதலில் அதிபர் தேர்தல் நடத்தப்படும்.
முன்னாள் அதிபர் மைத்திரிபால சிறிசேனவை பற்றி பேசுவதற்கு ஒன்றுமில்லை.நாடாளுமன்ற உறுப்பினர் தயாசிறி ஜயசேகரவே மைத்திரிபால சிறிசேன, ஜீ.எல்.பீரிஸ் ஆகியோரை தவறாக வழிநடத்தினார் என்பதை உறுதியாக குறிப்பிட முடியும்” என தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்... |
ஆனைக்கோட்டை, யாழ்ப்பாணம், தெல்லிப்பழை வீமன்காமம், வவுனியா, கொழும்பு, Toronto, Canada, Ottawa, Canada
19 Mar, 2026
