படலந்த ஆணைக்குழு அறிக்கை :ரணிலின் தலை தப்புமா..! வெளியானது அறிவிப்பு

Ranil Wickremesinghe Batalanda commission Report

By Sumithiran Mar 17, 2025 07:02 AM GMT

Sumithiran

in குற்றம்

Report

1948 ஆம் ஆண்டு 17 ஆம் இலக்க விசாரணை ஆணையச் சட்டத்தின் கீழ் படலந்த ஆணைக்குழு(Batalanda Commission) நியமிக்கப்பட்டதிலிருந்து, அந்த ஆணைக்குழுவிற்கு தனிநபர் ஒருவரின் எந்தவொரு சிவில் அல்லது குடியுரிமைகளையும் ரத்து செய்ய அதிகாரம் இல்லை என்று சட்டத்தரணி பேராசிரியர் பிரதிபா மஹாநாமஹேவா (Prathibha Mahanamahewa)கூறினார்.

1978 ஆம் ஆண்டின் 7 ஆம் இலக்க சிறப்பு ஜனாதிபதி ஆணையங்கள் சட்டத்தின் கீழ் நியமிக்கப்பட்ட ஆணையங்கள் மட்டுமே ஒரு நபரின் சிவில் உரிமைகள் அல்லது சமூக உரிமைகளை ஒழிக்க முடியும் என்றும் அவர் கூறினார்.

நாடாளுமன்றத்தில் வாக்கெடுப்பு

1978 ஆம் ஆண்டு 7 ஆம் இலக்க சிறப்பு ஜனாதிபதி ஆணைக்குழுக்கள் (சிறப்பு ஏற்பாடுகள்) சட்டத்தின் கீழ் நியமிக்கப்பட்ட ஆணைக்குழுக்களின் பரிந்துரைகளின் அடிப்படையில் நாடாளுமன்றத்தில் வாக்கெடுப்பு நடத்துவதன் மூலம் சம்பந்தப்பட்ட நபர்களின் சிவில் அல்லது குடியுரிமைகளைப் பறிக்க முடியும் என்றும் அவர் குறிப்பிட்டார்.

படலந்த ஆணைக்குழு அறிக்கை :ரணிலின் தலை தப்புமா..! வெளியானது அறிவிப்பு | Batalanda Report Cannot Anyone S Civil Rights

சட்டமா அதிபருக்கு அதிகாரம்

எனினும், படலந்த விசாரணை ஆணையத்தின் பரிந்துரைகளை கணக்கில் எடுத்துக்கொள்வதன் மூலம், மக்களின் வாழ்வுரிமை, சுதந்திரம் மற்றும் அடிப்படை உரிமைகள் தொடர்பாக எதிர்காலத்தில் சில நேர்மறையான மாற்றங்கள் அல்லது சீர்திருத்தங்களைச் செய்ய முடியும்.

போதுமான ஆதாரங்கள் இருந்தால், சம்பந்தப்பட்ட நபர்களுக்கு எதிராக குற்றவியல் வழக்குகளைத் தாக்கல் செய்ய சட்டமா அதிபருக்கு அதிகாரம் உள்ளது என்றும் அவர் மேலும் தெரிவித்தார்.