சிகரத்தை நோக்கிய கிரிக்கெட் சுற்றுப்போட்டி : வாகையர் பட்டத்தை வென்றது மட்டக்களப்பு இந்துக் கல்லூரி
Vanan
in கிரிக்கெட்
இரண்டாம் இணைப்பு
மட்டக்களப்பு இந்துக் கல்லூரிக்கும் பெரியகல்லாறு மத்திய கல்லூரிக்கும் இடையிலான சிகரத்தை நோக்கிய கிரிக்கெட் சுற்றுப்போட்டியில் மட்டக்களப்பு இந்துக் கல்லூரி அணி இந்த ஆண்டுக்கான வாகையர் பட்டத்தை வென்றுள்ளது.
இக்கிரிக்கெட் சுற்றுப்போட்டி நேற்று(30) மட்டக்களப்பு சிவானந்தா தேசிய பாடசாலை மைதானத்தில் ஆரம்பமானது.
நாணயச் சுழற்சியில் வெற்றி பெற்ற பெரியகல்லாறு மத்திய கல்லூரி அணி களத்தடுப்பினை தெரிவு செய்தது.
முதலில் துடுப்பெடுத்தாடிய மட்டக்களப்பு இந்துக் கல்லூரி அணியினர் அனைத்து விக்கட்டுகளையும் இழந்து 238 ஓட்டங்களை பெற்றனர்.
பதிலுக்கு துடுப்பெடுத்தாடிய பெரியகல்லாறு மத்திய கல்லூரி அணியினர் 29 ஓவர்களில் அனைத்து விக்கட்டுகளையும் இழந்து 96 ஓட்டங்களை மட்டுமே பெற்று தோல்வியடைந்தனர்.
இந்தச் சுற்றுப்போட்டிக்கான பிரதான அனுசரணையினை ஐபிசி தமிழ் வழங்கியிருந்ததுடன் போட்டியின் ஆரம்ப நிகழ்வில் ஐபிசி தமிழின் நிறைவேற்றுப் பணிப்பாளர் ராஜன் கலந்துகொண்டார்.
முதலாம் இணைப்பு
மட்டக்களப்பின் இரண்டு பிரபல பாடசாலைகள் மோதும் சிகரத்தினை நோக்கி என்னும் தலைப்பிலான கிரிக்கெட் சுற்றுப்போட்டி ஆரம்பமாகியது.
ஐபிசி தமிழின் பிரதான அனுசரணையில், இந்த கிரிக்கெட் சுற்றுப்போட்டி இன்று(30) காலை மட்டக்களப்பு சிவானந்தா தேசிய பாடசாலை மைதானத்தில் ஆரம்பமானது.
கிரிக்கெட் சுற்றுப்போட்டி
மட்டக்களப்பு இந்துக்கல்லூரியும் பெரியகல்லாறு மத்திய கல்லூரியும் சிகரத்தினை நோக்கி என்னும் தொனிப்பொருளிலான கிரிக்கெட் சுற்றுப்போட்டியில் விளையாடி வருகின்றன.
இதன் ஆரம்ப நிகழ்வு இன்றைய தினம் மட்டக்களப்பு இந்துக்கல்லூரியின் அதிபர் கே.பகீரதன் தலைமையில் நடைபெற்றது.
ஆரம்ப நிகழ்வில் பிரதம அதிதியாக கிழக்கு மாகாண கிராமிய அபிவிருத்தி திணைக்களத்தின் மாகாண பணிப்பாளர் என்.தனஞ்செயன் கலந்துகொண்டார்.
இந்த நிகழ்வில் இன்றைய போட்டியில் கலந்துகொள்ளவுள்ள வீரர்கள் அழைத்துவரப்பட்டு அதிதிகளுக்கு அறிமுகம் செய்யும் நிகழ்வு நடைபெற்றது.
இன்றைய நிலவரம்
அதனைத் தொடர்ந்து இடம்பெற்ற நாணய சுழற்சியில் பெரியகல்லாறு மத்திய கல்லூரி வெற்றிபெற்று களத்தடுப்பினை தெரிவுசெய்தது.
முதலில் துடுப்பெடுத்தாடிய மட்டக்களப்பு இந்துக்கல்லூரி அணியினர் அனைத்து விக்கட்டுகளையும் இழந்து 238 ஓட்டங்களைப்பெற்றுள்ளனர்.
தற்போது பெரியகல்லாறு மத்திய கல்லூரி அணியினர் துடுப்பெடுத்தாடி வருகின்றனர்.
நெடுந்தீவு, யாழ்ப்பாணம், கொழும்பு, வவுனியா, முல்லைத்தீவு, கிளிநொச்சி, Islington, United Kingdom
28 Jan, 2026
மலேசியா, Malaysia, உரும்பிராய் கிழக்கு, தெஹிவளை, Sutton, United Kingdom
05 Feb, 2021
4th ward,Puthukkudiyiruppu, Mullaitivu, London, United Kingdom
04 Feb, 2011
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
புங்குடுதீவு 12ம் வட்டாரம், புங்குடுதீவு 8ம் வட்டாரம், Toronto, Canada
02 Feb, 2023
