இலவச சீருடை அரசியல் நடப்புக்கு லஞ்சமாகுகின்றதா! ஆதங்கத்தில் லவக்குமார்

Batticaloa Sri Lankan Schools

By Shalini Balachandran Mar 01, 2024 05:04 PM GMT

Shalini Balachandran

in சமூகம்

Report

இராஜாங்க அமைச்சர் சதாசிவம் வியாழேந்திரன் அவர்கள் மட்டக்களப்பு கரடியனாறு பாடசாலை ஒன்றில் இலவச சீருடை வழங்கும் நிகழ்வை தமது அரசியல் மேடையாக பயன்படுத்தியமை கண்டிக்கத்தக்க விடயம் என சிவில் சமூக செயற்பாட்டாளர் கு.வி.லவக்குமார் தெரிவித்துள்ளார்.

மட்டக்களப்பு வாழைச்சேனையில் அமைந்துள்ள கிழக்கு ஊடக மன்றத்தில் வெள்ளிக்கிழமை(01) இடம்பெற்ற ஊடக சந்திப்பின்போதே அவர் இவ்வாறு கருத்து தெரிவித்துள்ளார்.

இது தொடர்பாக அவர் மேலும் தெரிவிக்கையில், “இலவச சீருடை என்பது அரசினால் மாணவர்களுக்கு இலவசமாக வழங்கப்படுவதாகும்.

சீருடை

இதனை தான் வழங்கவதுபோல் பாடசாலைகளில் ஒரு சில அதிபர்களின் ஆதரவுடன் இணைந்து செயற்படுவதும் மாணவர்களை காலில் விழ வைப்பதும் விரும்பதத்தகாத விடயமாகும்.

இலவச சீருடை அரசியல் நடப்புக்கு லஞ்சமாகுகின்றதா! ஆதங்கத்தில் லவக்குமார் | Batticaloa School Uniform Giving Function Issues

ஆங்கிலேயர் காலத்தில் அடிமைத்தனத்தில் இருந்தது போன்று சீருடை பெற்றுக் கொள்வதற்காக மாணவர்களை காலில் விழ வைத்து இராஜங்க அமைச்சர் தமக்குரிய விளம்பரத்தை தேடிக் கொள்கிறார்.

விழிப்பு

இவ்வாறான நிகழ்வுகள் மாவட்டத்தில் உடனடியாக நிறுத்தப்படுவதோடு குறித்த செயற்பாட்டுக்கு உடந்தையாக செயற்பட்ட கல்விப் பணிப்பாளர் மற்றும் அதிபருக்கு ஒழுங்காற்று விசாரணை எடுக்கப்பட வேண்டியதுடன் ஆசிரிய சங்கங்கள் இதில் விழிப்பாக இருந்து செயற்பட வேண்டும்.

மேலும் மக்கள் இவர் போன்றவர்களின் மாயாஜால வித்தைகளை அடையாளம் கண்டு விழிப்பாக செயற்பட வேண்டும்.

அத்தோடு மாணவர்கள் எதிர்கால புத்தி ஜீவிகளாகவும் மற்றும் கல்விமான்களாகவும் உருவாக்கப்பட வேண்டியதோடு அவர்கள் மதிக்கப்பட வேண்டும்” என அவர் தெரிவித்துள்ளார்.