உக்ரைனுக்கான நிதி உதவி அமெரிக்க அதிபர் வெளியிட்ட அறிவிப்பு

Joe Biden Russo-Ukrainian War Ukraine

By Sumithiran May 07, 2022 12:19 AM GMT

Sumithiran

in உலகம்

Report

உக்ரைனுக்கு மேலும் 150 மில்லியன் டொலர் நிதி உதவியை அளிப்பதாக அமெரிக்க அதிபர் ஜோ பைடன் அறிவித்துள்ளார்.

உக்ரைன் மீது ரஷ்யா போர் தொடுத்து தலைநகர் கீவை கைப்பற்றியாக வேண்டும் என போராடியது. ஆனால் உக்ரைன் படைகளின் பலத்த எதிர்ப்பால் அது கானல் நீரானது. இதையடுத்து, மரியுபோல் நகர் மீது ரஷ்யா பார்வையை பதித்தது. போர் தொடுத்த நாள் முதல் அங்கு முற்றுகையிட்டது. அந்த நகரின் மீது ஏவுகணை தாக்குதலும், குண்டுவீச்சும் நடத்தி பெரும்பாலான கட்டடங்களை சேதப்படுத்தி உருக்குலைய வைத்தது.

அந்நகரை கைப்பற்றி விட்டதாக அதிபர் புடின் அறிவித்தபோதும், கடைசி கோட்டை போல அந்த நகரின் அஜோவ் உருக்காலை வீழாமல் இருக்கிறது. இந்த ஆலைக்குள் 2 ஆயிரம் படை வீரர்களும், ஆயிரம் பொதுமக்களும் இருப்பதாக சொல்லப்பட்டது.

இந்நிலையில், அமெரிக்க அதிபர் ஜோ பைடன், ரஷ்யாவுக்கு எதிரான போரில் உக்ரைன் அரசுக்கு அமெரிக்கா தொடர்ந்து ஆதரவு அளிக்கும். உக்ரைன் அரசாங்கத்திற்கு 150 மில்லியன் டொலர்கள் நிதி உதவியாக வழங்கப்படும் என தெரிவித்துள்ளார்.

உக்ரைனுக்கு கூடுதல் பீரங்கி குண்டுகள், ராடர்கள் மற்றும் பிற உபகரணங்களை வழங்கும் பாதுகாப்பு உதவியின் மற்றொரு தொகுப்பை நான் அறிவிக்கிறேன் என அவர் கூறியுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்