அநுராதபுரத்தில் மர்மமான முறையில் உயிரிழந்த உடற்கட்டமைப்பாளர் : தந்தையின் விபரீத முடிவு

Sri Lanka Police Anuradhapura Sri Lanka Police Investigation

By Sathangani Feb 18, 2024 05:31 AM GMT

Sathangani

in சமூகம்

Report

அநுராதபுரத்தில் மர்மமான முறையில் உயிரிழந்த மகனின் இழப்பை தாங்க முடியாத தந்தை தனது உயிரை மாய்க்க முயற்சித்துள்ள சம்பவம் ஒன்று பதிவாகியுள்ளது.

எப்பாவல, கட்டியாவ பகுதியைச் சேர்ந்த 34 வயதுடைய உடற்கட்டமைப்பாளர் ஒருவர் சந்தேகத்திற்கிடமான முறையில் மரணமடைந்த சம்பவம் தொடர்பில் காவல்துறையினர் விசாரணைகளை ஆரம்பித்துள்ளனர்.

கடந்த 10ஆம் திகதி குறித்த இளைஞன் தனது வீட்டின் முன் விழுந்து கிடந்த நிலையில், அவரது இளைய சகோதரர் அழைத்துச்சென்று வைத்தியசாலையில் அனுமதித்துள்ளார்.

அநுராதபுரம் போதனா வைத்தியசாலையில் அனுமதி

எனினும் உடற்கட்டமைப்பாளர் மேலதிக சிகிச்சைக்காக அநுராதபுரம் போதனா வைத்தியசாலைக்கு மாற்றப்பட்டு தீவிர சிகிச்சை பிரிவில் சிகிச்சை பெற்றுவந்த நிலையில் உயிரிழந்துள்ளார்.

அநுராதபுரத்தில் மர்மமான முறையில் உயிரிழந்த உடற்கட்டமைப்பாளர் : தந்தையின் விபரீத முடிவு | Bodybuilder Who Died Mysteriously In Anuradhapura

இந்தநிலையில் அவருடைய மரணத்தால் அவரது தந்தையும் மனம் உடைந்து விஷம் அருந்திய நிலையில் அநுராதபுரம் போதனா வைத்தியசாலையில் சிகிச்சை பெற்று வருகிறார்.

இதேவேளை உயிரிழந்த உடற்கட்டமைப்பாளர், மருத்துவமனைக்கு கொண்டு செல்வதற்கு முன் குடித்துவிட்டு வந்து வீட்டின் அருகே கூச்சலிட்டதாக தெரியவந்துள்ளது.

காவல்துறையினர் விசாரணை

எனினும், இந்த நபர் தாக்கப்பட்டரா?, அவரது உடலை வளர்க்கப் பயன்படுத்திய ஊக்கமருந்துகளால் பாதிப்பு ஏற்பட்டதா அல்லது வேறு ஏதேனும் உடல்நிலை காரணமாக இந்த மரணம் ஏற்பட்டதா என்பது குறித்து காவல்தறையினர் விசாரணைகளை ஆரம்பித்துள்ளனர்.