ஏப்ரல் 21 குண்டுத் தாக்குதல் சந்தேகநபருக்கு பிணை
இலங்கையில் 2019 ஏப்ரல் 21 தினத்தன்று, கொழும்பு கிங்ஸ்பெரி விருந்தகத்தில் நடத்தப்பட்ட குண்டுத் தாக்குதல் சந்தேகநபரை பிணையில் செல்ல அனுமதித்து கோட்டை நீதவான் திலினி கமகே உத்தரவிட்டுள்ளார்.
மூன்று ஆண்டுகள் விளக்கமறியலில் வைக்கப்பட்டிருந்த ரிலா மர்சுக் என்ற 8வது குறித்த சந்தேகநபருக்கே பிணை வழங்கப்பட்டுள்ளது.
வழக்கு விசாரனையின்போது சட்டமா அதிபர் வழங்கிய ஆலோசனைக்கு அமைய இந்த தீர்ப்பு வழங்கப்பட்டுள்ளது.
பிணை
இதற்கமைய 5 லட்சம் ரூபா பெறுமதியான இரண்டு சரீர பிணைகளில் அவர் விடுதலைசெய்யப்பட்டுள்ளார்.
மேலும், கிங்ஸ்பெரி விருந்தகத்தில் தற்கொலை குண்டுத் தாக்குதலை நடத்தி உயிரிழந்த நபரின் மனைவியையும் மற்றுமொரு சந்தேகநபரையும் எதிர்வரும் 23ஆம் திகதி வரையில் விளக்கமறியலில் வைக்குமாறும் உத்தரவிடப்பட்டுள்ளது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
