கட்டுநாயக்கவில் கைதான பிரித்தானிய பிரஜை
சட்டவிரோத ஆயுதங்கள் மற்றும் வெடிமருந்துகளை வைத்திருந்த பிரித்தானிய பிரஜை ஒருவர் பண்டாரநாயக்க சர்வதேச விமான நிலையத்தில் கைது செய்யப்பட்டுள்ளார்.
அதன்படி, ரிவால்வர், ‘ராம்போ’ கத்தி, 10 தோட்டாக்கள் மற்றும் வேறு சில பயங்கரமான பொருட்கள் வைத்திருந்ததற்காக அந்த நபரை விமான நிலைய காவல்துறையினர் கைது செய்ததாக கூறப்படுகிறது.
கைது நடவடிக்கை
குறித்த நபர், இங்கிலாந்து செல்லும் விமானத்தில் ஏறத் தயாராகிக்கொண்டிருந்தபோது அவரது பயணப்பொதிகளை சோதனை செய்து ஆயுதங்களை கண்டுபிடித்த போதே அவர் கைது செய்யப்பட்டுள்ளார்.
இந்நிலையில், 54 வயதான பார்க்கர் ராபர்ட் மைக்கேல் என்பரே இவ்வாறு கைது செய்யப்பட்டுள்ளார்.
நீதிமன்றில் முன்னிலை
அத்தோடு, இந்த பறிமுதல் பொருட்கள் தனது பாட்டியிடமிருந்து பரிசாக வழங்கப்பட்டதாக அவர் விசாரணைகளில் கூறியுள்ளார்.
சந்தேகநபர் நீர்கொழும்பு நீதவான் நீதிமன்றில் முன்னிலைப்படுத்தப்படவுள்ள நிலையில், பறிமுதல் செய்யப்பட்ட பொருட்களை அரச பகுப்பாய்வாளருக்கு அனுப்பி வைக்க உடனடி நடவடிக்கைகள் மேற்கொள்ளப்பட்டன.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
