வெளிநாட்டிலிருந்து கட்டுநாயக்காவில் தரையிறங்கிய தொழிலதிபருக்கு நேர்ந்த கதி

Bandaranaike International Airport Businessman Arrest

By Sumithiran Feb 11, 2026 10:16 PM GMT

Sumithiran

in குற்றம்

Report

கட்டுநாயக்க விமான நிலையத்தின் வருகை முனையத்தில்,இன்று (11) சட்டவிரோதமாக நாட்டிற்கு கொண்டு வரப்பட்ட உலர்ந்த, சாயமிடப்பட்ட மற்றும் பதப்படுத்தப்பட்ட விலங்குத் தோல்களுடன் தொழிலதிபர் ஒருவர் கைது செய்யப்பட்டார்.

சுங்க அதிகாரிகள் மற்றும் சுங்கத்தின் பல்லுயிர், கலாசார மற்றும் தேசிய பாரம்பரிய பாதுகாப்பு பிரிவின் அதிகாரிகள் குழுவால் அந்த நபர் கைது செய்யப்பட்டார். 'ரெட் சனல்' வழியாக வணிகர்களுக்காக தோல்களின் ஒரு தொகுதியை வெளியே கொண்டு செல்ல முயன்றபோது கைது செய்யப்பட்டார்.

விலங்குகளின் தோல்கள்

முதலைகள், மலைப்பாம்புகள், பிற ஊர்வன மற்றும் பிற விலங்குகளின் தோல்களின் 19 துண்டுகள் இங்கு பணப்பைகள் தயாரிப்பதற்காக கொண்டு வரப்பட்டமை கண்டுபிடிக்கப்பட்டன.

வெளிநாட்டிலிருந்து கட்டுநாயக்காவில் தரையிறங்கிய தொழிலதிபருக்கு நேர்ந்த கதி | Businessman Arrested At The Katunayake Airport

வனவிலங்கு மற்றும் தாவரங்கள் பாதுகாப்பு கட்டளைச் சட்டம் மற்றும் விலங்கு நோய்கள் தொடர்பான பிற கட்டளைகளில் குறிப்பிடப்பட்டுள்ள பல சட்டங்கள் மற்றும் விதிமுறைகளை மீறி, சம்பந்தப்பட்ட நபர் இந்த தோல்களை நாட்டிற்கு கொண்டு வந்துள்ளார்.

கொழும்பு பகுதியில் வசிக்கும் தொழிலதிபர்

சந்தேக நபர் கொழும்பு பகுதியில் வசிக்கும் 37 வயது தொழிலதிபர் ஆவார். அவர் தாய்லாந்தின் பாங்கொக்கில் இருந்து இந்த விலங்குத் தோல்களை வாங்கி விமான நிலையத்திற்கு வருவதற்கு முன்பு தனது சாமான்களில் மறைத்து வைத்திருந்தார்.

தொழிலதிபர், அந்த விலங்குத் தோல்கள் துணிகள் என்று கூறி சுங்க அதிகாரிகளை தவறாக வழிநடத்த முயன்றார். இருப்பினும், சுங்க அதிகாரிகள் அவரது சாமான்களை கவனமாக பரிசோதித்த பின்னரே இந்தக் கைது நடவடிக்கையை மேற்கொண்டனர்.