இலங்கை தமிழர்கள் தொடர்பில் கனேடிய பிரதமர் அளித்த உறுதிமொழி

Sri Lankan Tamils Justin Trudeau Canada

By Sumithiran Jan 22, 2024 04:53 AM GMT

Sumithiran

in கனடா

Report

வேறு எந்த நாடும் நடைமுறைப்படுத்தாத வகையில் இலங்கை தமிழர்களின் மனித உரிமைகளுக்கு எதிராக செயற்பட்டவர்களுக்கு கனடா தடை விதித்துள்ளது.அதேபோன்று இலங்கை தமிழர்களுடன் கனடா தொடர்ந்தும் பயணிக்கும் என அந்நாட்டு பிரதமர் ஜஸ்டின் ட்ரூடோ தெரிவித்துள்ளார்.

தைப்பொங்கல் நிகழ்வொன்றில் பங்கேற்ற அவர் இவ்வாறு தெரிவித்துள்ளார்.அங்கு அவர் மேலும் தெரிவிக்கையில்,

1983ஆம் ஆண்டு இலங்கையில் வன்முறை

இலங்கையில் தற்போதும் மனித உரிமைகள் சவால்களுக்கு உட்படுத்தப்பட்டு வருகிறது.இதனாலேயே கனடா சர்வதேச அமைப்புக்களுடன் இணைந்து தமிழர் நலன் தொடர்பில் செயற்பட்டு வருகிறது.

இலங்கை தமிழர்கள் தொடர்பில் கனேடிய பிரதமர் அளித்த உறுதிமொழி | Canadian Prime Minister Sri Lankan Tamils

1983ஆம் ஆண்டு இலங்கையில் வன்முறைகள் ஆரம்பித்த காலத்தில் எனது தந்தை தலைமையிலான லிபரல் கட்சி 1800 இலங்கை தமிழர்களை கனடாவில் குடியேற்றியது. இந்த தொகை கடந்த பல தசாப்தங்களில் அதிகரித்து இன்று புலம்பெயர்ந்த தமிழர்கள் அதிகமாக வசிக்கும் நாடாக கனடா பார்க்கப்படுகிறது. அத்துடன் கனடாவின் வளர்ச்சிக்கு தமிழர்களின் பங்களிப்பு அளப்பரியது.

தமிழ் சமூகத்துடன் கனடா தொடர்ந்தும் பயணிக்கும்

இதன் காரணமாகவே 2016ஆம் ஆண்டு, ஜனவரி மாதத்தை தமிழர் வரலாற்று மாதமாக கனேடிய அரசாங்கம் பிரகடனம் செய்தது.

இந்தநிலையில் இலங்கை தமிழர்களின் நீதி, பொறுப்புக்கூறல் மற்றும் நல்லிணக்கம் தொடர்பில் கனடா தொடர்ந்தும் சர்வதேச மனித உரிமைகள் மற்றும் ஏனைய அமைப்புக்களுடன் செயற்பட்டு வருகிறது.