ஈஸ்டர் தாக்குதல் தொடர்பில் சனல் 4 வெளியிட்ட ஆவணம் : முழுமையான விசாரணைக்கு வலியுறுத்து
ஈஸ்டர் தாக்குதல் தொடர்பில் சனல் 4 தொலைக்காட்சி வெளியிட்ட ஆவணப்படம் தொடர்பில் முழுமையான விசாரணை நடைபெற வேண்டும் என தமிழ் தேசியக் கூட்டமைப்பின் நாடாளுமன்ற உறுப்பினர் சார்ள்ஸ் நிர்மலநாதன் வலியுறுத்தியுள்ளார்.
இன்று நாடாளுமன்றத்தில் உரையாற்றும் போது அவர் இவ்வாறு தெரிவித்தார். அவர் மேலும் தெரிவிக்கையில்,
யார் சம்பந்தப்பட்டுள்ளார்கள்
“2019 ஆம் ஆண்டு நடைபெற்ற ஈஸ்டர் தாக்குதல் அதிபர் தேர்தலை இலக்கு வைத்து நடைபெற்றதாக சகலரும் அறிவார்கள். அது அனைவருக்கும் தெரிந்த விடயம்.
ஆனால் சாட்சிகள் இல்லை. ஊகத்தின் அடிப்படையில் இங்கு நடந்த சம்பவங்களின் அடிப்படையில் அவை கணிப்புகளாக இருக்கின்றன.
ஆனால் சனல் 4 தொலைக்காட்சி இந்த தாக்குதலில் யார் சம்பந்தப்பட்டுள்ளார்கள்? எந்தப் புலனாய்வு அதிகாரிகள் இதில் சம்பந்தப்பட்டுள்ளார்கள், இந்த தாக்குதல் யாரை வைத்து மேற்கொள்ளப்பட்டது? போன்ற விடயத்தை கூறியிருக்கிறது.
என்னைப் பொறுத்தவரையில் இந்த விடயம் முழுமையான விசாரணையாக நடைபெற வேண்டும். ஏனென்றால் இங்கு நடைபெறுகின்ற பல விடயங்கள் ஆட்சியாளர்கள் சம்பந்தப்பட்டே நடைபெறுகிறது” - என்றார்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
