திருகோணமலையில் தந்தையால் இரு பிள்ளைகளுக்கு நேர்ந்த கொடூரம்!

Sri Lanka Police Trincomalee Crime

By Laksi Apr 11, 2024 02:42 PM GMT

Laksi

in குற்றம்

Report

திருகோணமலை தம்பலகாமம் காவல்துறை பிரிவிற்குட்பட்ட பகுதியில், தனது இரண்டு பிள்ளைகளை தவறான முறைக்கு உட்படுத்தியமை தொடர்பில் சந்தேகத்தின் பேரில் தந்தையை காவல்துறையினர் கைது செய்துள்ளனர்.

தம்பலகாமம் சிராஜ் நகர் பகுதியில் வசித்து வரும் முகமது சனுஷ் என்ற 28 வயதுடைய நபரே இவ்வாறு காவல்துறையினரால் கைது செய்யப்பட்டுள்ளார்.

வைத்தியசாலையில் அனுமதி

மனைவி வெளிநாட்டுக்குச் சென்றிருந்த நிலையில் 2 பிள்ளைகளையும் தனது கணவனின் கண்காணிப்பில் விட்டுச் சென்றுள்ள போதே இரு சிறுவர்களும் தவறான முறைக்கு உட்படுத்தப்பட்டுள்ளனர்.

திருகோணமலையில் தந்தையால் இரு பிள்ளைகளுக்கு நேர்ந்த கொடூரம்! | Children Misbehaved By Father In Trinco

இதன்போது, மூன்று வயது சிறுமியும்,5 வயது சிறுவனும் தவறான முறைக்கு உட்படுத்தப்பட்ட நிலையில் தம்பலகாமம் வைத்தியசாலையில் அனுமதிக்கப்பட்டுள்ளனர்.

இந்நிலையில் விசாரணைகளை முன்னெடுத்த காவல்துறையினர் இரு சிறுவர்களிடமும் வாக்குமூலம் பெற்றதை அடுத்து சந்தேக நபரை கைது செய்துள்ளதாக ஆரம்பகட்ட விசாரணை மூலம் தெரியவந்துள்ளது.

காவல்துறையினரின் விசாரணை

இதனையடுத்து கைது செய்யப்பட்ட சந்தேகநபரை கந்தளாய் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ளதாக தம்பலகாமம் காவல்துறையினர் தெரிவித்துள்ளனர்.

எனினும், குறித்த தந்தையால் தவறான முறைக்கு உட்படுத்தப்பட்ட இரண்டு சிறுவர்களும் திருகோணமலை பொது வைத்தியசாலையில் சிகிச்சை பெற்று வருவதாக தெரிவிக்கப்படுகின்றது.

அண்மைக்காலமாக நாட்டில் சிறுவர்களை தாகத முறைக்கு உட்படுத்தும் சம்பவம் அதிகரித்து செல்கின்றமை குறிப்பிடத்தக்கது.