மாவீரர் தினத்துக்கு தயாராகும் இரணைப்பாலை மக்கள்: துயிலும் இல்லத்தில் சிரமதானப் பணிகள் ஆரம்பம்

Jaffna Mullaitivu LTTE Leader Eastern Province Northern Province of Sri Lanka

By Sindu Nov 08, 2026 06:30 AM GMT

Sindu

in சமூகம்

Report

(சண்முகம் தவசீலன்)

தேசிய மாவீரர் நாள் நிகழ்வுகள் இம்முறையும் நவம்பர் 27ஆம் திகதி தமிழர் தாயகம் எங்கும் தமிழர்கள் வாழும் தேசமெங்கும் உணர்வுபூர்வமாக அனுஷ்டிக்கப்பட உள்ளது.

அந்த வகையிலே மாவீரர் நாள் நினைவேந்தல் நிகழ்வுகளை மேற்கொள்வதற்காக தமிழர் தாயக பகுதிகளில் மாவீரர் துயிலும் இல்லங்களில் சிரமதான பணிகள் ஆரம்பிக்கப்பட்டு வருகின்றன.

அந்த வகையில் 2009ஆம் ஆண்டு இறுதி யுத்தத்தின்போது உருவாக்கப்பட்ட இரணைப்பாலை மாவீரர் துயிலும் இல்லத்தில் மாவீரர் துயிலும் இல்ல பணிக்குழு மற்றும் மாவீரர்களுடைய பெற்றோர்கள், பொதுமக்கள் இணைந்து துயிலும் இல்லத்தில் மாவீரர்களுக்காக அஞ்சலி செலுத்தியதை தொடர்ந்து சிரமதான பணிகள் ஆரம்பிக்கப்பட்டு இடம்பெற்றன.

அனைவருக்கும் அழைப்பு

வழமைபோன்று இம்முறையும் நவம்பர் 27ஆம் திகதி மாவீரர் நாள் நிகழ்வுகள் மிகச் சிறப்பாக இடம்பெறும் எனவும் அதற்கான ஏற்பாடுகளை முன்னெடுப்பதற்காக பணிக்குழு தங்களை தயார்படுத்தி வருவதாகவும் தெரிவிக்கப்பட்டுள்ளது.

மாவீரர் தினத்துக்கு தயாராகும் இரணைப்பாலை மக்கள்: துயிலும் இல்லத்தில் சிரமதானப் பணிகள் ஆரம்பம் | Cleaning Work In Iranaipaalai Soldier Memorial

அத்துடன் தொடர்ச்சியாக இடம்பெறும் சிரமதான பணிகள், ஏற்பாட்டுப் பணிகள் மற்றும் நினைவேந்தல் நிகழ்வில் அனைத்து உறவுகளையும் கலந்துகொள்ளுமாறு பணிக் குழுவினர் அழைப்பு விடுத்துள்ளனர்.