கிளப் வசந்த படுகொலை : நாட்டிற்கு அழைத்து வரப்பட்ட முக்கிய சூத்திரதாரி

CID - Sri Lanka Police Sri Lanka Police Bandaranaike International Airport

By Sumithiran May 04, 2025 04:17 AM GMT

Sumithiran

in குற்றம்

Report

புதிய இணைப்பு

கிளப் வசந்த கொலையுடன் தொடர்புடைய பிரதான சந்தேக நபரான, ஒழுங்கமைக்கப்பட்ட குற்றவாளியாக கருதப்படும் "லொக்கு பெட்டி" என்ற லத்துவாஹந்தி சுஜீவ ருவன் குமார டி சில்வா, நாட்டுக்கு அழைத்து வரப்பட்டுள்ளார்.

சந்தேக நபர், குற்றப்புலனாய்வு திணைக்களத்தின் அதிகாரிகளால் டுபாயில் இருந்து விமானம் மூலம் இன்று (04) காலை 7.43 மணியளவில் நாட்டிற்கு அழைத்து வரப்பட்டதாக தெரிவிக்கப்படுகிறது.

முதலாம் இணைப்பு

தொழிலதிபர் சுரேந்திர வசந்த பெரேராவின் கொலைக்குப் பின்னணியில் உள்ள முக்கிய சந்தேக நபரான லொக்கு பேட்டி இன்று(05) நாட்டிற்கு அழைத்து வரப்பட உள்ளதாக மேல் மாகாண தெற்கு குற்றப்பிரிவு தெரிவித்துள்ளது.

கடந்த ஆண்டு ஜூலை 8 ஆம் திகதி, கிளப் வசந்தாவும் அவரது குழுவினரும் அதுருகிரிய பகுதியில் உள்ள ஒரு பச்சை குத்தும் நிலையத்தின் திறப்பு விழாவில் கலந்து கொண்டிருந்தபோது,துப்பாக்கிசூடு நடத்தப்பட்டது.இதில் கிளப் வசந்த கொல்லப்பட்டார் மற்றும் அவரது மனைவி உட்பட பலர் படுகாயமடைந்தனர்.

பெலாரஸில் பாதுகாப்புப் படையினரால் லோகு பாட்டி கைது

பெலாரஸில் பாதுகாப்புப் படையினரால் லோகு பாட்டி கைது செய்யப்பட்ட பின்னர், குற்றப் புலனாய்வுத் துறை அதிகாரிகள் அவரை கட்டுநாயக்காவில் உள்ள பண்டாரநாயக்க சர்வதேச விமான நிலையத்திற்கு அழைத்து வரவுள்ளனர்.

கிளப் வசந்த படுகொலை : நாட்டிற்கு அழைத்து வரப்பட்ட முக்கிய சூத்திரதாரி | Club Wasantha Murder Mastermind Arrested

பின்னர் மேலதிக விசாரணைகளுக்காக மேற்கு மாகாண குற்றப் பிரிவின் தெற்குப் பிரிவைச் சேர்ந்த சிறப்பு அதிகாரிகள் குழுவிடம் ஒப்படைப்பார்கள் என்று மூத்த காவல்துறை அதிகாரி ஒருவர் தெரிவித்தார்.