பயங்கரவாத தடைச் சட்டத்தை இரத்து செய்யும் பரிந்துரை கையளிப்பு

Sri Lanka Sri Lanka Prevention of Terrorism Act Harshana Nanayakkara

By Sathangani Nov 13, 2025 04:36 AM GMT

Sathangani

in அரசியல்

Report

பயங்கரவாத தடைச்சட்டத்தை இரத்து செய்வது தொடர்பான பரிந்துரை அறிக்கை நீதி அமைச்சரிடம் கையளிக்கப்பட்டுள்ளது.

அது தொடர்பில் ஆராயும் குழுவின் தலைவர் ரியன்சி அர்சகுலரத்ன குறித்த அறிக்கையை நீதி அமைச்சர் ஹர்சன நாணயக்காரவிடம் (Harshana Nanayakkara) கையளித்துள்ளார்.

பயங்கரவாதத் தடுப்புச் சட்டத்தை இரத்து செய்வது குறித்து ஆய்வு செய்து பொருத்தமான சட்ட நடவடிக்கைகளை முன்மொழிவதற்காக இந்தக் குழு நிறுவப்பட்டதாக நீதி மற்றும் தேசிய ஒருங்கிணைப்பு அமைச்சு ஏப்ரல் 13 அன்று அறிவித்தது.

பயங்கரவாதத் தடைச் சட்டம்

பரந்த மற்றும் அனைத்தையும் உள்ளடக்கிய சீர்திருத்த செயல்முறையை உறுதி செய்வதற்காக சிவில் சமூக அமைப்புகளிடமிருந்து உள்ளீடுகளையும் சர்வதேச நிறுவனங்கள் மற்றும் சமூகங்களிடமிருந்து கருத்துக்களையும் பெறுவதும் இந்தக் குழுவிற்குப் பணிக்கப்பட்டது.

பயங்கரவாத தடைச் சட்டத்தை இரத்து செய்யும் பரிந்துரை கையளிப்பு | Committee Report Pta Repeal Submitted Justice Min

பயங்கரவாதத் தடைச் சட்டத்தை இரத்து செய்வது தொடர்பான முதற்கட்ட விவாதம் ஏப்ரல் 11 அன்று நீதி மற்றும் தேசிய ஒருங்கிணைப்பு அமைச்சர் ஹர்ஷன நாணயக்கார தலைமையில் அமைச்சின் வளாகத்தில் நடைபெற்றது.

கலந்துரையாடலின் போது, பயங்கரவாதத் தடுப்புச் சட்டத்தை இரத்து செய்வது தற்போதைய அரசாங்கத்தின் கொள்கை முன்னுரிமை என்று அமைச்சர் நாணயக்கார மீண்டும் வலியுறுத்தினார்.

நீதி அமைச்சு

அறிமுகப்படுத்தப்படும் எந்தவொரு புதிய சட்டமும், சர்வதேச தரநிலைகளுக்கு ஏற்ப, அரசியலமைப்பு ரீதியாக உத்தரவாதம் அளிக்கப்பட்ட மனித உரிமைகள் மற்றும் கருத்துச் சுதந்திரங்களை நிலைநிறுத்தும் அதேவேளையில், சமகால உலகளாவிய பயங்கரவாத சவால்களை எதிர்கொள்ளும் திறன் கொண்டதாக இருக்க வேண்டும் என்று அவர் வலியுறுத்தினார்.

கடந்த கால அரசாங்கங்கள் இந்த சட்ட சீர்திருத்தங்களைக் கொண்டுவருவதில் உரிய விடாமுயற்சியுடன் செயற்படவில்லை என்றும், நியமிக்கப்பட்ட குழு குறுகிய காலத்திற்குள் சட்டத்தை இரத்து செய்வதற்கான தொடர்புடைய விடயங்களை உறுதியாக அடையாளம் காணுமாறு அறிவுறுத்தப்பட்டுள்ளது என்றும் நீதி அமைச்சு மேலும் தெரிவித்தமை குறிப்பிடத்தக்கது.