நேட்டோவை அச்சுறுத்தும் ரஷ்யா: போருக்கு முன்னாயத்தமாகும் ஜெர்மனி

NATO Germany World Russia

By Dhilak Nov 16, 2025 08:45 PM GMT

Dhilak

in ஜெர்மனி

Report

ஜெர்மனியில் தற்போது சுமார் 1,82,000 ராணுவத்தினர் பணியாற்றி வருகின்றனர்.

ஆனால் நேட்டோ உறுப்பினரான நாடுகள் மீது ரஷ்யா தாக்குதல் நடத்தும் அபாயம் அதிகரித்து வருவதாக ராணுவத் தலைவர் கார்ஸ்டன் ப்ரூயர் சமீபத்தில் எச்சரித்ததைத் தொடர்ந்து, நாட்டின் பாதுகாப்புத் திறனை பலப்படுத்தும் முயற்சியில் ஜெர்மனி முக்கியமான முடிவை எடுத்துள்ளது.

அதன்படி, கட்டாய ராணுவ சேவை முறையை மீண்டும் அறிமுகப்படுத்த அந்நாட்டு அரசாங்கம் திட்டமிட்டுள்ளது.

சட்டமூல நிறைவேற்றம்

இந்த புதிய முறையில், 18 வயதை கடந்த அனைத்து குடிமக்களும் ராணுவ சேவைக்குத் தகுதியுள்ளவர்களா என்பதை மதிப்பிட மருத்துவ பரிசோதனைக்கு உட்பட வேண்டும்.

நேட்டோவை அச்சுறுத்தும் ரஷ்யா: போருக்கு முன்னாயத்தமாகும் ஜெர்மனி | Compulsory Military Service Program In Germany

ராணுவ சேவை ஆண்களுக்கு கட்டாயமாக இருக்கும் போது, பெண்களுக்கான சேவை விருப்ப அடிப்படையில் வழங்கப்படும் என்று அரசு விளக்கியுள்ளது.

இந்த தொடர்பான சட்டமூலம் இந்த ஆண்டு இறுதிக்குள் நாடாளுமன்றத்தில் சமர்ப்பிக்கப்படும் என எதிர்பார்க்கப்படுகிறது.

அவசியமான முடிவு

திட்டம் நிறைவேற்றப்பட்டால், அடுத்த 10 ஆண்டுகளில் ஜெர்மனி தனது ராணுவப்படையை 2,60,000 வீரர்களாக அதிகரிக்க இலக்கிடப்பட்டுள்ளது. இந்நிலையில், கட்டாய ராணுவ சேவைத் திட்டம் அரசியல் விவாதத்தையும் தூண்டியுள்ளது.