சபாநாயகருக்கு எதிரான நம்பிக்கையில்லா பிரேரணை விவாதம் காலவரையறையின்றி ஒத்திவைப்பு

சபாநாயகர் ஜகத் விக்கிரமரத்னவுக்கு எதிராக எதிர்க்கட்சியினரால் முன்வைக்கப்பட்டுள்ள நம்பிக்கையில்லாப் பிரேரணை மீதான விவாதம் காலவரையறையின்றி ஒத்திவைக்கப்பட்டுள்ளது.

எதிர்வரும் வாரத்திற்கான நாடாளுமன்ற நடவடிக்கைகளைத் தீர்மானிப்பதற்காக நாடாளுமன்ற அலுவல்கள் பற்றிய குழு இன்று (16.10.2026) நாடாளுமன்றக் கட்டடத் தொகுதியில் கூடியது.

இதன்போது, குறித்த நம்பிக்கையில்லாப் பிரேரணை மீதான விவாதத்தை எதிர்வரும் 20ஆம் திகதி செவ்வாய்க்கிழமை நடத்துவதற்கு ஆளும் கட்சி முன்மொழிந்திருந்தது.

காவல்துறை பேருந்து வந்தவுடன் கலைந்து சென்ற போராட்டக்காரர்கள்! முடிவுக்கு வருகிறது ஞானசார ஆதரவு போராட்டம்

நம்பிக்கையில்லாப் பிரேரணை

எனினும், சபாநாயகருக்கு எதிராக முன்வைக்கப்பட்டுள்ள பிரேரணையில் 50 விடயங்கள் உள்ளடக்கப்பட்டுள்ளதால், அதனை விவாதிப்பதற்கு ஒருநாள் போதுமானதாக இருக்காது என எதிர்க்கட்சி பிரதிநிதிகள் சுட்டிக்காட்டியுள்ளனர்.

அதேவேளை, குறித்த நம்பிக்கையில்லாப் பிரேரணையில் சில சட்டரீதியான தொழில்நுட்பப் பிரச்சினைகள் காணப்படுவதால், அது தொடர்பில் சட்டமா அதிபரின் கருத்தைப் பெற வேண்டியுள்ளதாக ஆளும் கட்சி தெரிவித்துள்ளது.

இதற்குச் சில காலம் தேவைப்படும் என்பதால், எதிர்வரும் நாடாளுமன்ற வாரத்தில் நம்பிக்கையில்லாப் பிரேரணை மீதான விவாதத்தை நடத்த முடியாது என நாடாளுமன்ற அலுவல்கள் பற்றிய குழுவில் தீர்மானிக்கப்பட்டுள்ளது.

சட்டமா அதிபரின் ஆலோசனை கிடைத்த பின்னர், சபாநாயகருக்கு எதிரான நம்பிக்கையில்லாப் பிரேரணை மீதான விவாதம் நடைபெறும் திகதி தீர்மானிக்கப்படும் என எதிர்க்கட்சியின் பிரதம கொறடா கயந்த கருணாதிலக்க தெரிவித்துள்ளார்.

காலி முகத்திடலில் போராட்டத்தில் ஈடுபட்ட தேரர்களுக்கெதிராக பாய்ந்த ரணிலின் சட்டம்

ரஷ்யாவை தாக்கிய சக்திவாய்ந்த நிலநடுக்கம்