கனடியத் தமிழர் பேரவையின் பொங்கல் விழா! சிறப்புப் பேருரை ஆற்றிய ரோய் இரத்தினவேல்
கனடியத் தமிழர் பேரவை (CTC) வருடாந்தம் நடாத்தி வரும் 'பொங்கல் விழா' கடந்த சனிக்கிழமையன்று(24,01) கொண்டாடப்பட்டது.
அதன்போது, ஏராளமான மக்களும், கனடிய அரசியல் தலைவர்கள் பலரும் அதில் கலந்து கொண்டு சிறப்பித்திருந்தார்கள்.
இந்த ஆண்டிற்கான சிறப்புப்பேருரையை கனடிய தொழில்வளப் பொருளியல் முதலீட்டு ஆலோசகர் ரோய் இரத்தினவேல் ஆற்றியிருந்தார்.
“நாம் இன்று கொண்டாடும் தைப்பொங்கல் வெறும் அறுவடை விழா அல்ல; இது நம் வாழ்வின் அடிப்படைச் சக்திகளான சூரியனை, நிலத்தை, கால்நடைகளை போற்றும் நன்றியுணர்வு கொண்ட பண்டிகை.
மேலும், இது புதிய தொடக்கத்தை குறிக்கும், பழமொழி சொல்லும் போல “தை பிறந்தால் வழி பிறக்கும்.” புதிய பாதைகள் தானாக உருவாகாது; நாமே அவற்றை கட்டியெழுப்ப வேண்டும்.
நமது சமூகத்திற்கும் இளம் தலைமுறைக்கும் எதிர்காலம் இன்றைய செயல்களில் தங்கியுள்ளது. கடந்த காலத்தை நினைத்து மட்டும் நம்பினால், நாம் முன்னேற முடியாது.
நமது சாதனைகள் பெருமைதான், ஆனால் அதே நேரத்தில் அரசியல் மற்றும் சமூக மூலதனம் குறைந்து, பிரிவுகள், முரண்பாடுகள், பழைய வழிகள் இன்றைய வளர்ச்சிக்கு தடையாக உள்ளது. இதை மாற்ற நாம் முயற்சி செய்ய வேண்டும்
எனவே, நமது சமூகத்திற்கு நான் கூற விரும்புவது, முதலில், நமது அமைப்புகளை மறுசீரமைக்க வேண்டும் (Rebrand) – பழைய வழிகளையும் பழமொழிகளையும் நினைவில் வைத்துக் கொண்டு, எதிர்காலத்திற்கு ஏற்ப மாற்ற வேண்டும்.
இரண்டாவது, ஒற்றுமையில் மீண்டும் முதலீடு செய்ய வேண்டும் (Reinvest) – வேறுபாடுகளை மறைத்து, ஒன்றிணைந்து செயல்பட வேண்டும்.
மூன்றாவது, வெற்றியை மறுவரையறை செய்ய வேண்டும் (Redefine) – இளம் தலைமுறையை பாதிக்கப்பட்டவர்களாக அல்ல, தலைவர்களாக, புதுமையாளர்களாக, விஞ்ஞானிகளாக வளர அனுமதிக்க வேண்டும்.
நமது வரலாறு, பெற்றோரின் துயரங்கள், எமது பெருமைகள் அனைத்தும் நினைவுகூரத்தக்கவை; ஆனால் அதனாலேயே எதிர்காலத்தை கட்டுப்படுத்த முடியாது. நாம் செயல்பட்டு புதிய பாதைகளை உருவாக்கவேண்டும். “தை பிறந்தால் வழி பிறக்கும்” போல, நாம் அந்த புதிய பாதைகளை உருவாக்கும் தலைமுறை ஆக வேண்டும்.
இது நமக்காக மட்டுமல்ல; நாம் மறைந்த பிறகும், எமது பெயர், பாரம்பரியம் வாழும் வகையில் செய்ய வேண்டும். இனிய தைப்பொங்கல் வாழ்த்துக்கள்! வாழ்க தமிழ் மொழி! வளர்க தமிழ் இனம்!”
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பன்னாட்டு பெரும் இனவழிப்பு நினைவு நாளும் ஈழ இனப்படுகொலையும்
2 நாட்கள் முன்
நெடுந்தீவு கிழக்கு, சிவபுரம், வவுனிக்குளம், வவுனியா, பாண்டியன்குளம்
26 Jan, 2026
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
காரைநகர் வலந்தலை, காரைநகர், Birmingham, United Kingdom, Croydon, United Kingdom
21 Jan, 2026
திருநெல்வேலி, யாழ்ப்பாணம், Washington, United States
19 Jan, 2026
