பதற்றமான மஹர கலவரத்தின் பின்னரான தற்போதைய நிலை: எடுக்கப்பட்டுள்ள நடவடிக்கை
மஹர சிறையில் ஏற்பட்ட கலவரத்தைக் கட்டுப்படுத்த தற்போது நடவடிக்கைகள் எடுக்கப்பட்டுள்ளதாகத் தெரிவிக்கப்பட்டுள்ளது.
கைதிகளுக்கும் சிறை அதிகாரிகளுக்கும் இடையே ஏற்பட்ட தகராறு காரணமாக, மஹர சிறையில் நேற்று (01) பிற்பகல் பதற்றம் நிலவியது. இதில் ஏழு கைதிகள் காயமடைந்து ராகம போதனா மருத்துவமனையில் அனுமதிக்கப்பட்டுள்ளனர்.
இது குறித்து காவல்துறை வெளியிட்டுள்ள விசேட அறிக்கையில் அவர்களில் ஒருவர் உயிரிழந்தார் என்றும் சுட்டிக்காட்டியுள்ளது.
படையினர் மீது கல்வீச்சு
இந்நிலையில் நிலைமையைக் கட்டுப்படுத்த சிறப்பு அதிரடிப் படை, இராணுவம் மற்றும் காவல்துறையை களமிறக்குவதற்கான நடவடிக்கைகளும் எடுக்கப்பட்டுள்ளன.
இதன்போது கைதிகளைப் பார்க்க வந்திருந்த உறவினர்களும் உள்ளூர் மக்களும் பாதுகாப்புப் படையினர் மீது பல கற்களை வீசியதாகவும் தெரிவிக்கப்பட்டது.
இதற்கிடையில், பாதுகாப்புச் செயலாளர் சம்பத் துயகொந்த மற்றும் புதிய இராணுவத் தளபதி லெப்டினன்ட் ஜெனரல் நிலந்த பிரேமரத்ன ஆகியோரும் சிறையில் நிலவும் பதற்றமான சூழ்நிலையைக் கண்காணிப்பதற்காக நேற்று இரவு மஹாரா சிறை வளாகத்திற்கு சென்றிருந்தனர்.
இந்தச் சம்பவம் தொடர்பாக, கலவரத்தில் காயமடைந்தவர்கள் சிகிச்சை பெற்று வருவதாகவும், அமைச்சர் ஆனந்த விஜேபால பாதுகாப்புச் செயலாளர் மற்றும் காவல்துறை தலைமை ஆய்வாளருடன் இவ்விவகாரம் குறித்து விவாதித்ததாகவும், சிறைச்சாலைக்குத் தேவையான பாதுகாப்பை வழங்க நடவடிக்கைகள் எடுக்கப்பட்டுள்ளதாகவும் நீதி அமைச்சரும் சட்டத்தரணியுமான ஹர்ஷனா நனயக்கார தெரிவித்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
Conflans-Sainte-Honorine, France, London, United Kingdom, Nanterre, France
01 Jul, 2026
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
