வாக்குவாதம் முற்றியதால் பறிபோன உயிர்
இருவருக்கு இடையில் ஏற்பட்ட வாக்குவாதம் முற்றி ஒருவர் மற்றவரை தள்ளியதில் குறித்த நபர் வீதியில் விழுந்த வேளை வாகனத்தின் சில்லுக்குள் அகப்பட்டு உயிரிழந்தார்.
குருநாகல் தம்புள்ளை பிரதான வீதியின் தோராய பிரதேசத்தில் இன்று (05) பிற்பகல் இந்த விபத்து இடம்பெற்றுள்ளது.
பாரவூர்தியின் சாரதி கைது
சாஹிது மொஹமட் என்ற 50 வயதுடைய நபரே உயிரிழந்தவராவார்.
விபத்து தொடர்பில்,பதுளை பிரதேசத்தைச் சேர்ந்த கொள்கலன் பாரவூர்தியின் சாரதி, சந்தேகத்தின் பேரில் கைது செய்யப்பட்டுள்ளார்.
பிரதான வீதியில் திடீரென தள்ளியபோது
இறந்தவர் தோராய பகுதியைச் சேர்ந்த சஞ்சு என்ற நபருடன் வாக்குவாதத்தில் ஈடுபட்டுள்ளார். சஞ்சு என்ற நபர் திடீரென முகமதுவை பிரதான வீதியில் தள்ளியபோது, வீதியில் ஓடிக் கொண்டிருந்த கொண்டெய்னர் பாரவூர்தியின் பின் சக்கரங்களில் அடிபட்டு சம்பவ இடத்திலேயே உயிரிழந்தார்.
இச்சம்பவத்தின் பின்னர் சஞ்சு அப்பகுதியில் இருந்து தப்பிச் சென்றுள்ளதுடன் சந்தேக நபரை கைது செய்ய காவல்துறையினர் விசாரணைகளை மேற்கொண்டு வருகின்றனர்.
