யாழில் பிரபல விடுதியொன்றில் சிறுமிக்கு நேர்ந்த கொடூரம்: மூன்று நாட்களுக்கு பின் மீட்கப்பட்ட சடலம்

Sri Lanka Police Jaffna Sri Lanka Police Investigation

By pavan Sep 12, 2023 01:19 PM GMT

pavan

in சமூகம்

Report

யாழ்ப்பாணம் திருநெல்வேலியிலுள்ள பிரபல தனியார் விடுதியொன்றில் 12 வயது சிறுமி ஒருவர் உயிரிழந்துள்ள நிலையில், சடலமாக மீட்கப்பட்டுள்ளார்.

இந்த சம்பவம் இன்று மதியம் இடம்பெற்றதாக தெரிவிக்கப்பட்டுள்ளது.

இந்த சிறுமியை தவிர மற்றுமொரு பெண்ணும் மயக்க நிலையில் மீட்கப்பட்டு, யாழ் போதனா வைத்தியசாலையில் அனுமதிக்கப்பட்டுள்ளார்.

ஆரம்ப கட்ட விசாரணை

சம்பவ இடத்திற்கு விரைந்த காவல்துறையினர் சம்பவம் தொடர்பாக விசாரணைகளை ஆரம்பித்துள்ளனர்.

யாழில் பிரபல விடுதியொன்றில் சிறுமிக்கு நேர்ந்த கொடூரம்: மூன்று நாட்களுக்கு பின் மீட்கப்பட்ட சடலம் | Death Police Investigating Srilanka Jaffna

இதனையடுத்து சம்பவம் தொடர்பான நீதவான் விசாரணைகளை யாழ் மாவட்ட நீதவான் நேரில் சென்று மேற்கொண்டுள்ளார்.

திருகோணமலையைச் சேர்ந்த சிறுமியே இவ்வாறு உயிரிழந்துள்ளமை ஆரம்ப கட்ட விசாரணைகளில் தெரியவந்துள்ளது.

காவல்துறையினர் சந்தேகம்

இந்த சிறுமியுடன் அறையில் தங்கியிருந்த பாட்டி முறையான 54 வயதான பெண், மயக்க நிலையிலிருந்த நிலையில் காவல்துறையினரால் மீட்கப்பட்டு மேலதிக சிகிச்சைகளுக்காக யாழ் போதனா வைத்தியசாலையில் அனுமதிக்கப்பட்டுள்ளார்.

சிறுமி மூன்று நாட்களுக்கு முன்னரே மரணித்துவிட்டதாக தகவல்கள் வெளியாகியுள்ளதுடன் இந்த சிறுமி கொலை செய்யப்பட்டிருக்கலாம் எனவும் காவல்துறையினர் சந்தேகம் வெளியிட்டுள்ளனர்.

இந்த சம்பவம் தொடர்பாக கோப்பாய் காவல்துறையினர் மேலதிக விசாரணைகளை மேற்கொண்டு வருகின்றனர்.

மேலும் இது தொடர்பான செய்திகளைப் படிக்க இங்கே கிளிக் செய்யவும்