05 போதைப்பொருள் கடத்தல்காரர்களுக்கு விதிக்கப்பட்டது மரண தண்டனை

 152 கிலோ மற்றும் 341 கிராம் ஹெரோயின் வைத்திருந்தல் மற்றும் கடத்தல் உள்ளிட்ட மூன்று குற்றச்சாட்டுகளில் கொழும்பு உயர் நீதிமன்றத்தால் குற்றவாளி என நிரூபிக்கப்பட்ட ஐந்து நபர்கள் தாக்கல் செய்த மேல்முறையீட்டு மனுவை நிராகரித்து, உயர் நீதிமன்றத்தின் தீர்ப்பை நேற்று (21) மேல்முறையீட்டு நீதிமன்றம் உறுதி செய்தது.

மீன்பிடிக் கப்பல் மூலம் இலங்கைக்கு போதைப்பொருள் கொண்டு செல்லப்பட்டபோது, ​​பல மாதங்களாக புலனாய்வு விசாரணைக்குப் பிறகு, காலிக்கு அப்பால் உள்ள சர்வதேச கடற்பரப்பில் 224 கிலோ ஹெரோயினுடன் ஐந்து பிரதிவாதிகளும் சிறிலங்கா கடற்படையினரால் 2019 இல் கைது செய்யப்பட்டனர்.

2023 இல் விதிக்கப்பட்ட மரண தண்டனை

அரசாங்க பகுப்பாய்வாளரின் அறிக்கைகள் மேற்படி போதைப்பொருள் இருப்பில் 152 கிலோகிராம்களுக்கு மேல் தூய போதைப்பொருள் இருப்பதாக வெளிப்படுத்தியதால், சட்டமா அதிபர் 2021 இல் ஐந்து பிரதிவாதிகள் மீது வழக்குத் தொடர்ந்தார்.

 வழக்கை விசாரித்த பின்னர், கொழும்பு உயர் நீதிமன்ற நீதிபதி நாமல் பண்டார பலல்லே, ஆதாரங்களை கோரிய பின்னர், மூன்று குற்றச்சாட்டுகளுக்கும் அனைத்து பிரதிவாதிகளும் குற்றவாளிகள் எனக் கண்டறிந்து, 27/09/2023 அன்று அவர்களுக்கு மரண தண்டனை விதித்தார்.

அமெரிக்காவில் மரத்துப்போன பசிலின் கால்

உறுதிப்படுத்திய மேன்முறையீட்டு நீதிமன்றம்

அந்தத் தீர்ப்பை எதிர்த்து மேல்முறையீட்டு மனுவை எதிராளிகள் தாக்கல் செய்த நிலையில் மேன்முறையீட்டு நீதிமன்றத்தில் குறித்த மனு விசாரணைக்கு எடுத்துக் கொள்ளப்பட்டபோது, ​​அரச சட்டத்தரணி விஷ்வா விஜேசூரியவுடன் முன்னிலையான மேலதிக சொலிசிட்டர் ஜெனரல் ஜனாதிபதி சட்டத்தரணி ஷனில் குலரத்ன முன்வைத்த வாதங்களைக் கருத்தில் கொண்ட மேன்முறையீட்டு நீதிமன்றம், உயர் நீதிமன்ற நீதிபதியின் தீர்ப்பை உறுதிசெய்து, மேன்முறையீட்டு மனுவை தள்ளுபடி செய்தது. மேன்முறையீட்டு நீதிமன்ற நீதிபதி பி.குமாரரத்னத்தின் ஒப்புதலுடன் மேன்முறையீட்டு நீதிமன்ற நீதிபதி பிரதீப் ஹெட்டியாராச்சி நேற்று (21) தீர்ப்பை வெளியிட்டார்.

மேலதிக சொலிசிட்டர் ஜெனரல் ஷனில் குலரத்ன மேல்முறையீட்டு நீதிமன்றத்தில் ஐந்து குற்றவாளிகளும் மீன்பிடித்தல் என்ற போர்வையில் நீண்ட காலமாக போதைப்பொருள் கடத்தலில் ஈடுபட்டதாகத் தெரிவித்தார்.

 ரோஹண பெர்னாண்டோ, ஆர்.ஏ. அன்டன் நிஷாந்த, துலாஜ் ரவிந்து, எல். சுரங்கா மற்றும் ஏ. ஜெயமால் ஆகியோருக்கு மரண தண்டனை விதிக்கப்பட்டது. அதிக அளவு ஹெரோயின் தொடர்பாக உயர் நீதிமன்றத்தால் வழங்கப்பட்ட முதல் வழக்கு இதுவாகும்.

தந்தையை நினைவுகூரி நாடாளுமன்றத்தில் கண்ணீர் மல்கிய அர்ச்சுனா!