இலங்கையின் கைவசம் உள்ள எரிபொருள் விபரம் வெளியானது
இலங்கையின் வசம் உள்ள எரிபொருள் கையிருப்பு தொடர்பாக, எரிசக்தி அமைச்சர் குமார ஜயக்கொடி நாடாளுமன்றத்தில் இன்று காலை நாடாளுமன்றத்தில் ஒரு சிறப்பு அறிக்கையை வெளியிட்டார்.
நாட்டின் தற்போதைய எரிசக்தி நிலையை விளக்கிய அமைச்சர், தற்போதைய கையிருப்பின்படி ஒவ்வொரு வகை எரிபொருளையும் பயன்படுத்தக்கூடிய காலங்கள் பின்வருமாறு என்று கூறினார்
அதன்படி,
ஒக்டேன் 92 பெட்ரோல் – ஏப்ரல் 23 வரை
ஒக்டேன் 95 பெட்ரோல் – மே 10 வரை
டீசல் – ஏப்ரல் 12 வரை
சுப்பர் டீசல் – மே 10 வரையும் போதுமானதாக உள்ளது.
வழங்குநர்களுடன் பேச்சுவார்த்தை
தற்போது சேமிப்பில் உள்ள எரிபொருள் மற்றும் ஏற்கனவே துறைமுகத்தில் உள்ள மூன்று கப்பல்களிலிருந்து வரும் விநியோகங்கள் ஆகியவை இந்த மதிப்பீடுகளில் அடங்கும் என்றும் அமைச்சர் குமார ஜயக்கொடி மேலும் குறிப்பிட்டுள்ளார்.
சரியான நேரத்தில் விநியோகத்தைப் பெறுவதற்காக, வழங்குநர்களுடன் பேச்சுவார்த்தைகள் நடைபெற்று வருவதாகவும், அதே நேரத்தில் புதிய வழங்குநர்களிடம் இருந்து எரிபொருளைப் பெறுவதற்கான முயற்சிகளும் மேற்கொள்ளப்பட்டு வருவதாகவும் அவர் மேலும் கூறினார்.
தடையற்ற வழங்கலை உறுதி செய்வதற்காக, பல்வேறு வழங்குநர்களிடமிருந்து வரும் முன்மொழிவுகள் பரிசீலிக்கப்பட்டு வருவதாகவும் அவர் குறிப்பிட்டார்.
போரின் விளைவாக நிலவும் தற்போதைய சூழ்நிலைகளைக் கையாள்வதற்குத் தேவையான அனைத்து நடவடிக்கைகளையும் அரசாங்கம் எடுத்து வருவதாகவும் அமைச்சர் குமார ஜயக்கொடி தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தமிழ்நாடு சட்டப்பேரவைத் தேர்தல் முடிவுகள் 2026
நினைவுக் குருதியில் தோய்ந்த ஊடக சுதந்திர தினம் 2 மணி நேரம் முன்
உலகமெங்கும் உழைப்பால் தடம் பதிக்கும் ஈழத் தமிழர்கள்…
3 நாட்கள் முன்
புங்குடுதீவு 8ம் வட்டாரம், கொழும்பு, முல்லைத்தீவு, Den Helder, Netherlands
10 May, 2020
யாழ் சண்டிலிப்பாய் வடக்கு, Jaffna, நல்லூர், திருநெல்வேலி, யாழ்ப்பாணம், கனடா, Canada
02 May, 2021
