எரிபொருளில் இடம்பெற்ற பாரிய கலப்படம் அம்பலம்

சபுகஸ்கந்த(Sapugaskanda) காவல் பிரிவின் மாபிமா பகுதியில் மண்ணெண்ணெய் கலந்த டீசல் எரிபொருளை விநியோகிக்கத் தயாராக இருந்த எரிபொருள் பவுசர் ஒன்று நேற்று முன்தினம்(21)மதியம் கைப்பற்றப்பட்டதாக கிரிபத்கொடை(Kiribathgoda) காவல்துறை தெரிவித்துள்ளது.

கிரிபத்கொட காவல்துறையினருக்கு கிடைத்த அவசரத் தகவலின் அடிப்படையில் நடத்தப்பட்ட இந்த சுற்றிவளைப்பில், ஹங்வெல்ல, எம்புல்கம பகுதியைச் சேர்ந்த சந்தேக நபர் கைது செய்யப்பட்டதாகவும் காவல்துறையினர் தெரிவித்தனர்.

மண்ணெண்ணெய் கலந்ததாக சந்தேகிக்கப்படும் டீசல்

மண்ணெண்ணெய் கலந்ததாக சந்தேகிக்கப்படும் சுமார் ஐயாயிரம் லீட்டர் டீசல் எரிபொருளைக் கொண்ட எரிபொருள் பவுசர், ஒரு தண்ணீர் மோட்டார், எரிபொருளைக் கலக்கப் பயன்படுத்தப்பட்டதாக சந்தேகிக்கப்படும் நான்கு அடி நீள பிளாஸ்டிக் குழாய், தொண்ணூறு அடி நீளமுள்ள ஒரு மூன்று பிளக் சொக்கெட்டுகள் கொண்ட கம்பி மற்றும் ஒரு தீயை அணைக்கும் கருவி கண்டுபிடிக்கப்பட்டது. இதற்காகப் பயன்படுத்தப்பட்ட ஒரு சிறிய சிலிண்டரும் பறிமுதல் செய்யப்பட்டுள்ளது.

கலப்பு எரிபொருள் விநியோகம்

நாட்டின் பல்வேறு பகுதிகளில் அடையாளம் காணப்பட்ட இடங்களுக்கு இந்த கலப்பு எரிபொருள் விநியோகிக்கப்பட்டதாக நம்பப்படுகிறது.

எரிபொருள் பவுசரில் இருந்து எடுக்கப்பட்ட எரிபொருள் மாதிரிகள் பகுப்பாய்வு அறிக்கைக்காக அரசு பகுப்பாய்வாளருக்கு அனுப்பப்பட உள்ளன, மேலும் மண்ணெண்ணெய் மற்றும் டீசல் எரிபொருள் எவ்வாறு பெறப்பட்டது என்பது குறித்த தகவல்கள் பெறப்பட உள்ளன.

கடமை நேரத்தில் மதுபோதையில் தூங்கி வழிந்த காவல்துறையினர் : ஆரம்பமானது விசாரணை

அர்ச்சுனா எம்.பி மீது பாயும் சட்டம் : தேர்தல் ஆணைக்குழுவின் அதிரடி நகர்வு!