இலங்கைக்கு கடத்தப்படவிருந்த போதைப்பொருள்! கனடா விமான நிலையத்தில் சிக்கிய பயணி
கனடா டொராண்டோ பியர்சன் சர்வதேச விமான நிலையத்தில், பயணி ஒருவரின் உடைமையிலிருந்து 44 கிலோ ஹஷிஷ் (hashish) மற்றும் 13 கிலோ கொக்கைன் ஆகியவற்றை கனடிய அதிகாரிகள் பறிமுதல் செய்துள்ளனர். கனடா எல்லைச் சேவை முகமையின் (CBSA) தகவலின்படி, இப்பொருட்கள் இலங்கைக்குக் கொண்டு செல்லப்படவிருந்தன.
அந்தப் பயணி கைது செய்யப்பட்டு, பறிமுதல் செய்யப்பட்ட போதைப்பொருட்களுடன் ரோயல் கனடிய மவுண்டட் காவல்துறையினரிடம்(RCMP) ஒப்படைக்கப்பட்டதாக முகமை தெரிவித்துள்ளது.
மூன்று சூட்கேஸ்களுடன் போதைப்பொருட்கள்
CBSA வெளியிட்ட புகைப்படங்களில், மூன்று சூட்கேஸ்களுடன் சேர்த்து சந்தேகத்திற்குரிய போதைப்பொருட்கள் அடங்கிய பல பொட்டலங்கள் காட்சிப்படுத்தப்பட்டிருப்பதைக் காண முடிகிறது.
இப்பறிமுதல் நடவடிக்கை செப்டம்பர் 3-ஆம் திகதி மேற்கொள்ளப்பட்டது; இது குறித்த தகவலை CBSA செப்டம்பர் 23-ஆம் திகதி பொதுவெளியில் அறிவித்தது.
தகவல்களை வெளியிடாத கனடிய அதிகாரிகள்
சந்தேக நபர் குறித்த விவரங்களையோ அல்லது இப்பறிமுதல் சம்பவம் தொடர்பாகப் பதிவு செய்யப்பட்ட குற்றச்சாட்டுகள் குறித்த தகவல்களையோ கனடிய அதிகாரிகள் இதுவரை வெளியிடவில்லை.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
