உயிர்த்த ஞாயிறு தாக்குதல் : புலம்பெயர் தமிழ் அமைப்புகளை மீண்டும் குறிவைக்கும் சிங்கள ஊடகம் (வெளியானது காணொளி)

Sri Lanka Easter Attack Sri Lanka Sivanesathurai Santhirakanthan

By Sumithiran Sep 05, 2023 01:19 AM GMT

Sumithiran

in குற்றம்

Report

அசாத் மௌலானாவிற்கு சுவிட்சர்லாந்தில் புலம்பெயர்ந்தவர்களுக்கான அடைக்கலத்தை பெற்றுக்கொள்ளும் நோக்கிலேயே உயிர்த்த ஞாயிறு தாக்குதல் தொடர்பில் பொய்யான தகவல் வெளியிடப்பட்டுள்ளதாக சிங்கள ஊடகம் ஒன்று தெரிவித்துள்ளது.

உயிர்த்த ஞாயிறு தாக்குதல் நடத்தப்பட்டு 275 ற்கும் மேலானவர்கள் பலியெடுக்க காரணமானவர்கள் ராஜபக்சர்களுக்கு விசுவாசமானவர்கள் என சனல் 4 வெளியிடவுள்ள ஆவணப்படத்தில் அதிர்ச்சி தகவல்கள் வெளியாகி உள்ளன.

பிள்ளையானின் ஊடகப்பேச்சாளரான அசாத் மௌலானா

இந்த நிலையில் பிள்ளையான் கட்சியின் ஊடகப்பேச்சாளராக இருந்த அசாத் மௌலானா என்பவர் உயிர்த்த ஞாயிறு தாக்குதல் தொடர்பில் தெரிவித்த தகவல்களின் அடிப்படையில் இந்த ஆவணத்தை சனல் 4 ஊடகம் தயாரித்துள்ளதாக தெரிவிக்கப்படுகிறது.

"They were killed just to make a power change.”

On Easter Sunday 2019, Sri Lanka was hit by a series of suicide attacks.@C4Dispatches has exclusive interviews with high placed whistleblowers who allege that Sri Lankan government officials were complicit in the bombings. pic.twitter.com/aYHchVVvhF
— Channel 4 Dispatches (@C4Dispatches) September 4, 2023

இந்த தகவல்களை வெளியிட புலம்பெயர் தமிழ் அமைப்புகள் முன்னின்று செயற்படுவதாக குறித்த ஊடகம் தெரிவித்துள்ளது.

அரச புலனாய்வு அதிகாரி சுரேஷ் சாலே

இதனிடையே உயிர்த்த ஞாயிறு தாக்குதல் தொடர்பில் அரச புலனாய்வு அதிகாரி சுரேஷ் சாலேவிற்கு உள்ள தொடர்புகள் குறித்து அசாத் மௌலானா தெரிவித்த விடயங்கள் உண்மைக்கு புறம்பானவை எனவும் தாக்குதல் இடம்பெற்ற காலப்பகுதியில் சாலே இலங்கையில் சேவையில் இருக்கவில்லை எனவும், சாலே ஆவணங்களுடன் சனல் 4ற்கு தெளிவுபடுத்தியுள்ளதாகவும், குறித்த பத்திரிகை செய்தியில் மேலும் குறிப்பிடப்பட்டுள்ளது.

உயிர்த்த ஞாயிறு தாக்குதல் : புலம்பெயர் தமிழ் அமைப்புகளை மீண்டும் குறிவைக்கும் சிங்கள ஊடகம் (வெளியானது காணொளி) | Easter Attack Diaspora Tamil Distorting The Truth

இந்தப்பின்னணியில் இந்த ஆவணப்படம் தயாரிப்பதற்கு பிரித்தானிய தமிழர் பேரவை உள்ளிட்ட புலம்பெயர் தமிழர் அமைப்புகள் ஒத்துழைப்பு வழங்கியுள்ளதாகவும் அந்த ஊடகம் மேலும் தெரிவித்துள்ளது.

மேலும் இது தொடர்பான செய்திகளைப் படிக்க இங்கே கிளிக் செய்யவும்