அரசியல் திசையை நோக்கிச் செல்லும் ஈஸ்டர் தாக்குதல் வழக்கு! 16-வது குற்றவாளி அளித்த வாக்குமூலம்
ஈஸ்டர் தாக்குதல் தொடர்பான வழக்கின் தீர்ப்பு இன்று அறிவிக்கப்பட்ட நிலையில் 16-வது சந்தேகநபரான முகமது முஸ்தபா முகமது ஹாரிஸ், தனக்கு விதிக்கப்பட்ட தண்டனை குறித்து வெளிப்படையான நீதிமன்றத்தில் தனது கருத்துக்களை முன்வைத்துள்ளதாக தெரிவிக்கப்படுகிறது.
இதன்போது அவர், நான் 161 அம்சங்களைக் கொண்ட எழுத்துப்பூர்வமான அறிக்கையைச் சமர்ப்பித்தேன் என்றும், அதை அவர்கள் பரிசீலித்தார்களா என்று எனக்குத் தெரியவில்லை. எவ்வாறாயினும், இந்த வழக்கு அரசியல் திசையை நோக்கிச் செல்கிறது எனவும் கூறியுள்ளார்.
இது குறித்து மேலும் கருத்து வெளியிட்ட அவர்,
எழுத்துப்பூர்வ சமர்ப்பிப்பு
"நான் 10 மாதங்களுக்கும் மேலாக நீதிமன்றத்தில் எனது தரப்பு உண்மைகளை எழுத்துப்பூர்வமாகச் சமர்ப்பித்தேன். ஆனால் தீர்ப்பு வெறும் 2 நிமிடங்களில் வழங்கப்பட்டது.
நாங்கள் சமர்ப்பித்த எழுத்துப்பூர்வமான தகவல்களை அவர்கள் வாசித்தார்களா என்பதுதான் எங்களுக்குள்ள ஒரே கேள்வி. குற்றப்பத்திரிகையின் ஒரு பகுதி மட்டுமே என்னிடம் இருந்தது.
வீட்டில் வெடிபொருட்கள் இருந்தன என்பது மட்டுமே என் மீதான ஒரே குற்றச்சாட்டாக இருந்தது. வீடு கட்டுவதற்காகக் கல் குவாரியிலிருந்து கற்கள் கொண்டு வரப்பட்டன. அந்தக் குவாரி உரிமையாளரின் தொடர்பு எண் என் கைப்பேசியில் இருந்தது. குவாரி உரிமையாளரை அச்சுறுத்தியே அவர்கள் அதற்கான ஆதாரத்தைப் பெற்றனர். நான் எந்தத் தவறும் செய்யவில்லை.
ஆனாலும் கைது செய்யப்பட்டேன். நான் கைது செய்யப்பட்டபோது என் மகளுக்கு வயது இரண்டுதான். என் மூத்த மகளுக்கு வயது ஏழு.
நான் எந்தத் தவறும் செய்யவில்லை. ஒருவர் எனக்கு எதிராகச் சாட்சியம் அளித்தார்; அது தொடர்பாக நான் 161 அம்சங்களைக் கொண்ட எழுத்துப்பூர்வமான அறிக்கையைச் சமர்ப்பித்தேன்.
அதை அவர்கள் பரிசீலித்தார்களா என்று எனக்குத் தெரியவில்லை. எவ்வாறாயினும், இந்த வழக்கு அரசியல் திசையை நோக்கிச் செல்கிறது. எனது பிள்ளைகள் மற்றும் பேரக்குழந்தைகளைக் கருத்தில் கொண்டு, எனக்கு விதிக்கப்படும் தண்டனையில் கருணை காட்டுமாறு கேட்டுக்கொள்கிறேன்." என்றார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
