27 ஆண்டுகளுக்குப் பின் நிகழ்ந்த முழு சூரிய கிரகணம்! வியப்பில் ஆழ்ந்த ஐரோப்பா

Donald Trump Vladimir Putin World Russia

By Shalini Balachandran Aug 12, 2026 08:31 PM GMT

Shalini Balachandran

in உலகம்

Report

1999-ஆம் ஆண்டிற்குப் பிறகு கடந்த 27 ஆண்டுகளில் ஐரோப்பிய நிலப்பரப்பில் தென்பட்ட முதல் முழு சூரிய கிரகணத்தை (Total Solar Eclipse) உலகமே வியப்புடன் கண்டு ரசித்துள்ளது.

ஐரோப்பாவின் முக்கிய நகரங்கள், வானியல் ஆய்வகங்கள் மற்றும் பொது இடங்களில் மக்கள் திரண்டு இந்த அரிய நிகழ்வைக் கொண்டாடினர்.

ரஷ்யாவின் ஆர்க்டிக் பகுதிகள், கிரீன்லாந்து, மேற்கு ஐஸ்லாந்து மற்றும் வடக்கு ஸ்பெயின் ஆகிய பகுதிகள் வழியாக முழுமையான இருள் பரவிய பாதை கடந்து சென்றது.

அஸ்தமன கிரகணம்

மேற்கு ஐஸ்லாந்து கடற்கரையில் சூரியன் சுமார் 2 நிமிடங்கள் 18 வினாடிகள் வரை நிலவால் முற்றிலுமாக மறைக்கப்பட்டு முழுமையான இரவு போன்ற சூழல் நிலவியது.

27 ஆண்டுகளுக்குப் பின் நிகழ்ந்த முழு சூரிய கிரகணம்! வியப்பில் ஆழ்ந்த ஐரோப்பா | Europe Sees Rare Total Solar Eclipse

ஸ்பெயினின் வடக்கு மற்றும் மத்தியப் பிராந்தியங்களில் சூரிய அஸ்தமன நேரத்திற்கு சற்று முன்னதாக நிகழ்ந்ததால், கண்கவர் சூரிய அஸ்தமன கிரகணம் (Sunset Eclipse) காட்சியளித்தது.

இங்கிலாந்தில் முழு கிரகணப் பாதை அமையாவிட்டாலும், மிகச் சிறந்த பகுதி சூரிய கிரகணம் (Partial Eclipse) தென்பட்டது.

கிரகணக் கண்ணாடிகள்

லண்டனில் 92% வரையிலும், கார்ன்வால் பகுதியில் 96% வரையிலும் சூரியன் நிலவினால் மறைக்கப்பட்டது.

சூரியனை வெறும் கண்களால் பார்ப்பதைத் தவிர்க்க, மக்கள் ஐஎஸ்ஓ (ISO) சான்றளிக்கப்பட்ட விசேட சூரிய கிரகணக் கண்ணாடிகள் மற்றும் தொலைநோக்கிகளைப் பயன்படுத்திப் பார்வையிட்டுள்ளனர்.

ஸ்பெயின் மற்றும் ஐஸ்லாந்து போன்ற நாடுகளுக்குப் பல நாடுகளிலிருந்தும் லட்சக்கணக்கான வானியல் ஆர்வலர்கள் குவிந்ததால் விமான நிலையங்கள் மற்றும் தங்கும் விடுதிகள் முழுமையாக நிரம்பியதாக தெரிவிக்கப்படுகின்றது.

சில பகுதிகளில் லேசான மேகமூட்டம் இருந்தபோதிலும், பெரும்பாலான முக்கிய பகுதிகளில் சூரியனின் வெளிப்புற வளையமான கொரோனா (Corona) மற்றும் வைர மோதிர வடிவம் (Diamond Ring effect) மிகத் தெளிவாகக் காட்சியளித்துள்ளமை குறிப்பிடத்தக்கது.