அகால மரணத்தை தழுவிய சுதந்திரத்திற்கு பின்வந்த சிறிலங்கா அரச தலைவர்கள் : சுட்டிக்காட்டிய வஜிர

 ரணில் விக்ரமசிங்கவின் (ranil wickremesinghe)வேலைத்திட்டத்துடன் தேசிய மக்கள் சக்தி முன்னோக்கிச் செல்வதாயின் அதனை நாம் நம்பிக்கையுடன் பார்க்க வேண்டும் என ஐக்கிய தேசியக் கட்சியின் தலைவர் வஜிர அபேவர்தன(vajira abeywardena) தெரிவித்துள்ளார்.

தற்போதைய நிலைமைகளின்படி ஜனாதிபதி ரணில் விக்ரமசிங்க காட்டிய பாதையில் தேசிய மக்கள் சக்தி செல்கிறது எனவே அதனை எதிர்க்கக் கூடாது எனவும் அவர் தெரிவித்துள்ளார்.

காலி, உலுவித்திகேயிலுள்ள ஐக்கிய தேசியக் கட்சியின் தலைமையகத்தில் நடைபெற்ற இளைஞர் சந்திப்பில் கலந்து கொண்ட போதே வஜிர அபேவர்தன இந்தக் கருத்துக்களை வெளியிட்டார்.அங்கு அவர் மேலும் தெரிவிக்கையில்,

சிலிண்டர் மற்றும் யானை சின்னத்தில் போட்டி

ஐக்கிய தேசியக் கட்சியின் தலைவர் ரணில் விக்ரமசிங்க தலைமையில் பாரியளவிலான அரசியல் கட்சிகள் கூட்டணி அமைப்பது தொடர்பில் கலந்துரையாடுவதற்காக வேட்புமனுச் சபை கூடி வருகின்றது. இந்த வார நடுப்பகுதிக்குள் அதன் சகல செயற்பாடுகளும் முடிவடையும் என நம்புகின்றோம்.

அத்துடன், ரணில் விக்ரமசிங்கவுக்கு ஆதரவளித்தவர்கள் சிலிண்டர் சின்னத்தில் போட்டியிடுவது குறித்தும், வன்னி மாவட்டத்திலும், நுவரெலியா மாவட்டத்திலும் யானைச் சின்னத்திலும் போட்டியிடுவது குறித்தும் ஆலோசிக்கப்பட்டு வருகிறது.

இன்று சிலர் இணைப்பு பற்றி பேசுகிறார்கள். ஆனால் ரணில் விக்ரமசிங்க நாடு வங்குரோத்து நிலையில் இருந்த அந்த நேரத்தில் ஒன்றுபடுவோம் என்றார். இன்று சேர்வதாகப் பேசுபவர்கள் அன்றும் அந்தப் பொறுப்பைப் புறக்கணித்தார்கள். ஒரே விஷயத்தை அனைவரும் ஏற்றுக்கொள்ள வைப்பது எளிதான காரியம் அல்ல. ஆனால் அதற்கு எப்படியாவது உழைக்க வேண்டும்.

ஐக்கிய மக்கள் கூட்டணிக்கு ஏற்படுத்தப்பட்ட இடையூறுகளை ஆராய்வதற்கு குழு நியமனம்

தேசிய மக்கள் சக்திக்கு ஏற்பட்டுள்ள சவால்

கடந்த ஜனாதிபதி தேர்தலில் 42 வீதத்தைப் பெற்றிருந்த நிலையில், 50 வீதத்திற்கு அப்பால் தமது இலக்குகளை எவ்வாறு பூர்த்தி செய்வது என்பது தேசிய மக்கள் சக்திக்கு தற்போது சவாலாக உள்ளது.

இதன்போது, ​​ ரணில் விக்ரமசிங்க மற்றும் சர்வதேச நாணய நிதியத்தினால் முன்வைக்கப்பட்ட தேசிய கொள்கை கட்டமைப்புடன் நாடாளுமன்றத்தில் முன்வைக்கப்பட்டுள்ள அனைத்து சட்டமூலங்களையும் அவர்கள் ஏற்றுக் கொள்வதைக் காண்கிறோம். எடுத்துக்காட்டாக, பொருளாதார மறுசீரமைப்பு சட்டம், கடன் மறுசீரமைப்பு மற்றும் கடனை திருப்பிச் செலுத்தும் சட்டம், மத்திய வங்கி மீதான சட்டம், பெண்கள் அதிகாரமளிக்கும் சட்டம் மற்றும் ஊழல் தடுப்புச் சட்டம், தேசிய பட்ஜெட் அலுவலகம் என்ற புதிய சட்ட அமைப்பு கொண்டு வரப்பட்டுள்ளது. அவர்கள் அரசியலமைப்பை முழுமையாக ஏற்றுக்கொண்டு முன்னேறுகிறார்கள்.

சஜித்துக்கு ஆதரவளித்தவர்களே தேசிய மக்கள் சக்தியுடன் இணைவு : மகிந்த அமரவீர

 ரணில் விக்ரமசிங்கவின் அடிச்சுவட்டில் நடக்கின்றார்கள்

எனவே ரணில் விக்ரமசிங்கவால் ஆரம்பிக்கப்பட்ட தேசிய வேலைத்திட்டம் முன்னெடுத்துச் செல்லப்பட்டால் அதனை நாம் ஒரு வகையில் பார்க்க வேண்டும். மாற்றினால் வேறு விதமாக பார்க்க வேண்டும். அதனால் அதற்கு நேரமில்லை. ஆனால் அவர்கள் ஜனாதிபதி ரணில் விக்ரமசிங்கவின் அடிச்சுவட்டில் நடக்கின்றார்கள் என்பது மிகத்தெளிவாக இருக்கின்றது என்றே கூற வேண்டும்.எனவே, நாங்கள் அதை எதிர்க்க எந்த காரணமும் இல்லை.

மேலும், ரணில் விக்ரமசிங்கவின் செலவுகள் குறித்து சமூக வலைத்தளங்களில் பல்வேறு பொய்யான அறிக்கைகள் பரப்பப்படுவதை நாம் பார்த்திருக்கிறோம். அதற்காக எனது வருத்தத்தை தெரிவித்துக் கொள்கிறேன். நமது நாட்டு மக்கள் இவ்வளவு கீழ்த்தரமான அரசியல் சூழ்நிலையில் இருப்பது உண்மையிலேயே வருத்தமளிக்கிறது.

சுமந்திரன் மற்றும் சிறீதரன் இடையே கடும் முறுகல்....! ஊடக சந்திப்பில் நடந்த சம்பவம்

ஜனாதிபதி மாளிகையை எரித்த பின்னரும்

ரணில் விக்ரமசிங்க ஜனாதிபதி மாளிகையை எரித்த பின்னரும் அவர் தனது பணியை செய்வதற்கு ஜனாதிபதி மாளிகையையோ, பிரதமர் மாளிகையையோ தெரிவு செய்யவில்லை. ஜனாதிபதி மாளிகைக்கு அவர் பயணம் மேற்கொண்டார் என்றால், சில அரச தலைவர்கள் நாட்டுக்கு விஜயம் செய்த போதுதான் அவர் பயணம் செய்தார்.

இந்த நாட்டில் உள்ள அனைவரும் நினைவில் கொள்ள வேண்டிய இன்னொரு விஷயம், சுதந்திரத்திற்குப் பிறகு வந்த ஒவ்வொரு அரச தலைவர்களும் அகால மரணமடைந்துள்ளனர். அல்லது அவர்கள் அகால மரணத்திலிருந்து 99வீதத்தால் தப்பித்துள்ளனர். இதை ஒவ்வொரு முறையும் சொல்லி இருக்கிறேன். எனவே, அத்தகைய நாட்டின் தலைவர்களை பாதுகாப்பது மிகவும் அவசியம் என்பதை அனைத்து ஆட்சியாளர்களும் நினைவில் கொள்ள வேண்டும்" என்றார்.