விசாரணைக்கு அழைக்கப்பட்ட மின்சக்தி - எரிசக்தி அமைச்சின் முன்னாள் செயலாளர்!
மின்சக்தி மற்றும் எரிசக்தி அமைச்சின் முன்னாள் செயலாளர் எம்.எம்.சி. பெர்னாண்டோவை (M.M.C. Fernando) முக்கிய விசாரணைக்காக உடனடியாக இலங்கை திரும்புமாறு ஜனாதிபதி விசாரணை ஆணைக்குழு அழைப்பு விடுத்துள்ளது.
நாட்டின் நிலக்கரி கொள்முதல் நடைமுறைகளில் இடம்பெற்றதாக தெரிவிக்கப்படும் முறைகேடுகள் குறித்து விரிவான சாட்சியங்களைப் பதிவு செய்யும் நோக்கிலேயே இந்த அழைப்பு விடுக்கப்பட்டுள்ளது.
மின்சக்தி அமைச்சின் செயலாளராகப் பணியாற்றியது மட்டுமன்றி, இலங்கை மின்சார சபையின் (CEB) தலைவராகவும் எம்.எம்.சி. பெர்னாண்டோ பணியாற்றியுள்ளார் என்பதால் எரிசக்தித் துறையின் நிர்வாகச் செயல்பாடுகளில் அவர் ஒரு முக்கிய நபராகக் கருதப்படுகிறார்.
ஆணைக்குழுவின் கோரிக்கை
இந்தநிலையில் தற்போது வெளிநாட்டில் வசித்து வரும் பெர்னாண்டோவுக்கு ஜனாதிபதி ஆணைக்குழுவின் இக் கோரிக்கை தொடர்பில் உத்தியோகபூர்வ மின்னஞ்சல் (Email) மூலம் அறிவிக்கப்பட்டுள்ளது.
நுரைச்சோலை லக்விஜய நிலக்கரி மின் உற்பத்தி நிலையத்திற்குப் பெறப்பட்ட நிலக்கரி கொள்முதலின் போது டெண்டர் நடைமுறைகள் மீறப்பட்டதாகவும் அரச கொள்முதல் வழிகாட்டுதல்கள் புறக்கணிக்கப்பட்டு அரசாங்கத்திற்குப் பாரிய நிதி இழப்பு ஏற்படுத்தப்பட்டதாகவும் சுமத்தப்பட்டுள்ள தீவிர குற்றச்சாட்டுகள் குறித்தே இவ்விசாரணை கவனம் செலுத்துகிறது.
இப்பாரிய குற்றச்சாட்டுகளை விசாரிப்பதற்காகவே இந்தச் சிறப்பு ஜனாதிபதி விசாரணை ஆணைக்குழு நிறுவப்பட்டது.
எரிசக்தித் துறை
இதுவரை மின்சக்தி மற்றும் எரிசக்தித் துறையிலுள்ள பல்வேறு நிறுவனங்களின் 72 தலைவர்களிடம் விரிவான சாட்சியங்களை ஆணைக்குழு சேகரித்துள்ளது.
இது தவிர இக் கொள்முதல் விவகாரத்துடன் தொடர்புடைய மேலும் 370 தனிநபர்களிடம் வாக்குமூலங்கள் பதிவு செய்யப்பட்டுள்ளன.
உச்ச நீதிமன்ற நீதிபதி கிஹான் குலதுங்க (Supreme Court Justice Gihan Kulatunga) தலைமையிலான இக் குழுவில், மேல்முறையீட்டு நீதிமன்ற நீதிபதி ஆதித்ய படபெந்தி மற்றும் மேல் நீதிமன்ற நீதிபதி சஞ்சீவ சூரியபண்டார ஆகிய மூத்த நீதிபதிகள் அங்கத்தவர்களாக இடம்பெற்றுள்ளனர்.
ஆணைக்குழு தனது உத்தியோகபூர்வ விசாரணை அமர்வுகளை டிசம்பர் 16 ஆம் திகதிக்குள் நிறைவு செய்யவுள்ளது.
அதற்கு முன்னதாக, டிசம்பர் முதல் வாரத்திலேயே தனது விரிவான இறுதி அறிக்கையை ஜனாதிபதியிடம் சமர்ப்பிக்க இலக்கு நிர்ணயித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026