இலங்கையில் முதன்முறையாக நீதிமன்ற உத்தரவின் பேரில் தோண்டப்படும் புதையல்

Sri Lanka Police Sri Lanka Sri Lankan Peoples

By Raghav Nov 22, 2024 08:13 AM GMT

Raghav

in சமூகம்

Report

வெயாங்கொடை (Veyangoda) வதுரவ பிரதேசத்தில் நிர்மாணிக்கப்பட்டு வரும் மத்திய அதிவேக நெடுஞ்சாலைக்கு அருகில் பூமிக்கு அடியில் புதையல் ஒன்றை தேடும் பணி நேற்றையதினம் (21.11.2024) ஆரம்பமானது.

அத்தனகல்ல (Attanagalla) நீதவான் நீதிமன்றத்தினால் வழங்கப்பட்ட நீதிமன்ற உத்தரவுக்கு அமைய இந்த நடவடிக்கைகள் இடம்பெற்று வருவதாக தெரவிக்கப்பட்டுள்ளது.

இங்கு புதையல் இருப்பதாக கூறி பல ஆண்டுகளாக புதையல் திருடர்களால் அந்த இடம் தோண்டப்பட்டுள்ளதுடன் , பல சந்தர்ப்பங்களில் புதையலைத் தோண்ட பயன்படுத்திய உபகரணங்களுடன் நபர்களையும் பாதுகாப்புப் பிரிவினர் கைது செய்துள்ளனர்.

தொல்பொருள் திணைக்களம்

இவ்வாறு கைது செய்யப்பட்டவர்களில் பிக்கு ஒருவரும் அடங்குவதாக வெயாங்கொடை காவல்துறையினர் தெரிவித்துள்ளனர்.

இலங்கையில் முதன்முறையாக நீதிமன்ற உத்தரவின் பேரில் தோண்டப்படும் புதையல் | Excavation Near The Highway In Search Of Treasure

சதுப்பு நிலப்பகுதியில் அமைந்துள்ளது இந்த இடத்தில் தொல்பொருள் திணைக்களம் மேற்கொண்ட பரிசீலனையின் போது அங்கு புதையல் எதுவும் இல்லை என தகவல் வெளியாகியுது.

ஆனால் காவல்துறை விசேட அதிரடிப்படையினர் நடத்திய விசாரணையில் பூமிக்குள் ஏதோ ஒன்று இருப்பது தெரியவந்துள்ளது.

இதன்படி, அத்தனகல்ல நீதவான் நீதிமன்றில் சமர்ப்பணங்களை அறிக்கை செய்ததன் பின்னர், தொல்பொருள் திணைக்களம், சுரங்க மற்றும் புவியியல் பணியகம், வெயாங்கொடை காவல்துறையினர், வீதி அபிவிருத்தி அதிகாரசபை, மீரிகம பிரதேச செயலகம் ஆகியவற்றின் பங்குபற்றுதலுடன் அதிகாரிகளின் மேற்பார்வையில் பொது மக்களின் ஒத்துழைப்புடன் அகழ்வுப் பணிகள் மேற்கொள்ளப்படுகின்றன.