யாழில் திடீரென உயிரிழந்த நபர்: பிரேத பரிசோதனையில் வெளியான காரணம்
யாழ்ப்பாணத்தில் அதிக வெப்பம் காரணமாக உடலில் பத்துக்கு மேற்பட்ட எரிகாயங்கள் ஏற்பட்டு குடும்பஸ்தர் ஒருவர் உயிரிழந்துள்ளார்.
இச்சம்பவமானது யாழ்ப்பாணம் - புன்னாலைக்கட்டுவன் பகுதியில் நேற்று(08) இடம்பெற்றுள்ளது.
இதன்போது, அதே பகுதியைச் சேர்ந்த சிவஞானம் ஜெயக்குமார் (வயது 45) என்ற குடும்பஸ்தரே உயிரிழந்துள்ளார்.
உயிரிழப்பு
இச்சம்பவம் குறித்து மேலும் தெரியவருகையில், குறித்த நபர் நேற்று(8) மதியம் 1.45 மணியளவில் மதுபோதையில் இருந்ததை அவரது மகள் அவதானித்துள்ளார். பின்னர் 3.30 மணியளவில் அவர் வெயிலில் கீழே விழுந்து இருந்ததை அவதானித்த மகள் அருகில் சென்று பார்த்த வேளை அவர் உயிரிழந்து காணப்பட்டுள்ளார்.
இதனையடுத்து உயிரிழந்தவரின் சடலம் மீட்கப்பட்டு தெல்லிப்பழை வைத்தியசாலைக்கு கொண்டு செல்லப்பட்டு அங்கிருந்து யாழ்ப்பாணம் போதனா வைத்தியசாலைக்கு கொண்டு செல்லப்பட்டுள்ளது.
உடற்கூற்று பரிசோதனைகள்
இந்நிலையில், உடற்கூற்று பரிசோதனைகள் மேற்கொள்ளப்பட்ட போது அதிக வெப்பம் காரணமாக உடலில் பத்துக்கு மேற்பட்ட எரிகாயங்கள் ஏற்பட்டு உயிரிழந்ததாக பிரேத பரிசோதனைகளில் தெரியவந்துள்ளது.
அவரது சடலம் மீதான மரண விசாரணைகளை திடீர் மரண விசாரணை அதிகாரி ஆ.ஜெயபாலசிங்கம் மேற்கொண்டதுடன் சடலம் இன்றையதினம்(09) உறவினர்களிடம் ஒப்படைக்கப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
