நிர்ணய விலையை விட அதிக விலைக்கு குடிநீர் விற்பனை - உணவகத்திற்கு விதிக்கப்பட்ட அபராதம்

Badulla Money Law and Order

By Pavi Oct 08, 2026 10:52 AM GMT

Pavi

Report

பதுளை, பண்டாரவளை ஓய்வு விடுதியால் நிர்ணயிக்கப்பட்ட அதிகபட்ச சில்லறை விலையை விட அதிக விலைக்கு குடிநீர் போத்தல் விற்பனை செய்த குற்றச்சாட்டில், கிளஸ்டர் ஹோல்டிங்ஸ் தனியார் நிறுவனத்திற்கு ரூ.10 இலட்சம் அபராதம் விதிக்கப்பட்டுள்ளது.

குறித்த நிறுவனத்திற்கு எதிராக நுகர்வோர் விவகார அதிகார சபையினால் தாக்கல் செய்யப்பட்ட வழக்கில், குற்றத்தை ஒப்புக்கொண்டதையடுத்து பண்டாரவளை நீதவான் நீதிமன்றம் நேற்று (07.10.2026) இந்த அபராதத்தை விதித்துள்ளது.

நுகர்வோர் விவகார அதிகார சபை அதிகாரிகள் கடந்த செப்டெம்பர் 23ஆம் திகதி மேற்கொண்ட சோதனையின்போது, ஒரு லீற்றர் குடிநீர் போத்தல் ரூ.120 என அதிகபட்ச சில்லறை விலை நிர்ணயிக்கப்பட்டிருந்த நிலையில், அது ரூ.200க்கு விற்பனை செய்யப்பட்டமை கண்டறியப்பட்டது.

சட்ட நடவடிக்கை

இதன்படி, நிர்ணயிக்கப்பட்ட விலையை விட ரூ.80 அதிகமாக, அதாவது சுமார் 67 சதவீதம் கூடுதல் விலையில் குடிநீர் விற்பனை செய்யப்பட்டுள்ளதாக அதிகார சபை தெரிவித்துள்ளது.

நிர்ணய விலையை விட அதிக விலைக்கு குடிநீர் விற்பனை - உணவகத்திற்கு விதிக்கப்பட்ட அபராதம் | Fine For Selling Water Bottle Rs Legal Price

விசாரணைகளைத் தொடர்ந்து நுகர்வோர் விவகார அதிகார சபை சட்ட நடவடிக்கை எடுத்த நிலையில், நீதிமன்றம் ரூ.10 இலட்சம் அபராதம் விதித்துள்ளது.

ஹோட்டல்கள், உணவகங்கள் உள்ளிட்ட அனைத்து வர்த்தக நிறுவனங்களும் சட்டரீதியாக நிர்ணயிக்கப்பட்ட அதிகபட்ச சில்லறை விலையை கடைப்பிடிக்க வேண்டும் என அதிகார சபை நினைவூட்டியுள்ளது.

மேலும், கட்டுப்படுத்தப்பட்ட பொருட்களின் விலைகளை சரிபார்த்து, விதிமீறல்கள் தொடர்பில் அலுவலக நேரங்களில் 1977 என்ற தொலைபேசி இலக்கத்திற்கு அறிவிக்குமாறும் நுகர்வோரிடம் கோரிக்கை விடுக்கப்பட்டுள்ளது.