உள்நாட்டு இறைவரித் திணைக்களம் விடுத்துள்ள அறிவித்தல்
உள்நாட்டு இறைவரித் திணைக்களத்தின் வரி எண் (டிஐபி எண்) பெறாதவர்கள் பின்னர் உள்நாட்டு வருவாய்த் திணைக்களத்தால் பதிவு செய்யப்படும், அங்கு அவர்களுக்கு ரூ. 50,000க்கு மிகாமல் அபராதம் விதிக்கப்படும் என உள்நாட்டு இறைவரித் திணைக்களம் தெரிவித்துள்ளது.
01 ஜனவரி 2024 (நேற்று) முதல் நடைமுறைக்கு வரும் வகையில், அன்றோ அல்லது அதற்குப் பின்னரோ 18 வயது நிரம்பிய நபர்கள், உள்நாட்டு வருவாய்த் திணைக்களத்தில் பதிவு செய்து வரி செலுத்துவோர் அடையாள எண்ணைப் பெற வேண்டும்.
இந்நிலையில், ஆண்டிற்கு ஒருவர் வருமானமாக 12 இலட்சத்திற்கு மேல் இருந்தால் அவர்களும் வருமான வரியில் பதிவு செய்ய வேண்டும் என உள்நாட்டு இறைவரித் திணைக்களம் குறிப்பிட்டுள்ளது.
ஒன்லைன் பதிவு
இந்தப் பதிவை ஒன்லைனிலும், உள்நாட்டு வருவாய்த் திணைக்களத்திற்குச் சென்றும் பெறலாம். 'இ' சேவையின் ஊடாக பதிவு செய்யும் போது ஒருவர் தமது தேசிய அடையாள அட்டையின் இரு பக்கங்களிலும் ஸ்கேன் செய்யப்பட்ட PDF பிரதியை பதிவேற்றம் செய்ய வேண்டும்.
இதேவேளை, வாகனப் பதிவு மற்றும் சொத்துக் கொள்வனவுகளுக்கு உள்நாட்டு இறைவரித் திணைக்களத்தில் பதிவு இலக்கத்தைப் பெறுவதை கட்டாயமாக்குவதற்கு நேற்று எடுக்கப்பட்ட தீர்மானம் ஒரு மாத காலத்திற்கு ஒத்திவைக்கப்பட்டுள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார்.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
