இலங்கையில் வரி செலுத்துபவர்களின் எண்ணிக்கை அதிகரிப்பு : உள்நாட்டு இறைவரித் திணைக்களம்
இலங்கையில் இந்த ஆண்டில் இதுவரை 1 இலட்சத்து 98 ஆயிரத்து 253 புதிய வரி செலுத்துபவர்கள் பதிவு செய்யப்பட்டுள்ளனர்.
கணக்காய்வாளர் நாயகத்தின் அறிக்கைகள் மற்றும் 2019, 2020 மற்றும் 2021 ஆம் ஆண்டுகளுக்கான உள்நாட்டு இறைவரித் திணைக்களத்தின் தற்போதைய செயற்பாடுகளை ஆராய்வதற்காக லசந்த அழகியவண்ண தலைமையில் அரச பொதுக் கணக்குகள் குழு (கோபா) அண்மையில் கூடியிருந்தது.
இதன் போது, உள்நாட்டு இறைவரித் திணைக்களம் முன்வைத்த விடயங்களின் மூலம் குறித்த விடயம் வெளிக்கொணரப்பட்டுள்ளது.
வரி செலுத்துபவர்கள்
இதற்கமைய, 18 வயதுக்கும் மேற்பட்ட சுமார் 16 மில்லியன் மக்கள் வரி செலுத்துபவர்களாக இணங்காணப்பட்டுள்ளனர்.
இந்த தரப்பினரை வரி செலுத்துதலில் இணைப்பதற்கான விசேட வேலைத்திட்டங்கள் நடைமுறைப்படுத்தப்பட்டு வருவதாக உள்நாட்டு இறைவரி திணைக்கள அதிகாரிகள் தெரிவித்துள்ளனர்.
இதையடுத்து, பல்வேறு பொருட்கள் மற்றும் சேவைகளுக்காக பொதுமக்கள் செலுத்தும் பெறுமதி சேர் வரியை அரசாங்கம் முறையாகப் பெறுகிறதா என கேள்வி எழுப்பப்பட்டுள்ளது.
பெறுமதி சேர் வரி
இலங்கையில் தற்போது சுமார் 13 ஆயிரம் நிறுவனங்கள் பெறுமதி சேர் வரி செலுத்துவதற்கு பதிவு செய்யப்பட்டுள்ளதாக தெரிவிக்கப்பட்டுள்ளது.
இந்த நிறுவனங்கள் குறித்த வரியை அரசாங்கத்திற்கு செலுத்துவது தொடர்பில் விசாரணை நடத்தி வருவதாக உள்நாட்டு இறைவரித் திணைக்கள அதிகாரிகள் தெரிவித்துள்ளனர்.
இதேவைளை, பொதுமக்களிடம் இருந்து பெறுமதி சேர் வரியை வசூலிக்கும் நிறுவனங்கள் சரியான முறையில் வரியை அரசாங்கத்திற்கு செலுத்தவதற்கான அமைப்பை தயார் செய்ய வேண்டும் என குழு சுட்டிக்காட்டியுள்ளது.
ரமிஸ் எனும் வருமான நிர்வாக முறை
அவர்களுல் பலரும் வரி ஏய்ப்பு செய்வதால், உள்நாட்டு இறைவரித் திணைக்களம் இதற்கு முன்னர் ரமிஸ் எனும் வருமான நிர்வாக முறையைப் பயன்படுத்தி வரி வசூலை ஒழுங்குபடுத்துவதற்கு தீர்மானித்திருந்தது.
உள்நாட்டு இறைவரித் திணைக்களத்தில் இந்த கணனி அமைப்பை கையகப்படுத்தி பராமரிக்க வாய்ப்பு உள்ளதா என அதிகாரிகளிடம் குழுத் தலைவர் கேட்டறிந்துள்ளார்.
இதையடுத்து, முறையான மனித வளம் இல்லாததால், இந்த அமைப்பை கையகப்படுத்தி பராமரிக்க முடியாது என உள்நாட்டு இறைவரித் திணைக்கள அதிகாரிகள் குழுவிடம் தெரிவித்துள்ளனர்.
இதேவேளை, தங்கள் அமைப்பை உடனடியாக மேம்படுத்தி, ரமிஸ் அமைப்புடன் இணைக்க,நிறுவனப் பதிவாளர் துறைக்கு, குழு பரிந்துரைத்துள்ளதுடன், அதன் முன்னேற்றம் குறித்த அறிக்கையை எதிர்வரும் ஜனவரி 1 ஆம் திகதிக்கு முன் குழுவில் சமர்ப்பிக்குமாறும் உத்தரவிடப்பட்டுள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்! |
அங்கீகரிக்கப்படாத தேசத்தின் அங்கீகரிக்கப்பட்ட இராஜதந்திரி 12 மணி நேரம் முன்
மாகாண சபையை அரசியல் தீர்வாக திணிக்கப்படுவது தவறு...
2 நாட்கள் முன்
கொக்குவில் கிழக்கு, கொக்குவில், திருகோணமலை, கொழும்பு, Croydon, United Kingdom
08 Dec, 2025
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
நயினாதீவு 5ம் வட்டாரம், நயினாதீவு 2ம் வட்டாரம், கோண்டாவில், Toronto, Canada, Montreal, Canada, London, United Kingdom
04 Dec, 2025
மன்னார், கொழும்பு, யாழ்ப்பாணம், மிருசுவில், கனடா, Canada
14 Dec, 2020
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
