தென்னாபிரிக்காவில் கட்டடத்தில் தீ பரவியதால் குழந்தை உட்பட 52 பேர் பலி!
தென்னாபிரிக்காவின் மிகப்பெரிய நகரமான ஜோகன்னஸ்பர்க்கில் உள்ள பெரிய மாடிக் கட்டடத்தில் ஏற்பட்ட தீ விபத்தின் காரணாமாக இதுவரை 52 பேர் உயிரிழந்துள்ளதாக அவசரகால சேவைகள் தெரிவித்துள்ளது.
நேற்றைய தினம் (30) அதிகாலை வேளை இந்த தீ விபத்து ஏற்பட்டதாக கூறப்படுகிறது.
இதில் 52 பேர் பலியானதோடு மேலும் 43 பேர் காயமடைந்ததாக அவசர சேவை செய்தி தொடர்பாளர் ரொபர்ட் முலாட்ஸி தெரிவித்தார்.
பெருமளவு தீ அணைக்கப்பட்டுள்ளது
மீட்பு பணிகள் தொடர்ந்து வரும் நிலையில் உயிரிழந்தோரின் எண்ணிக்கை இன்னும் அதிகரிக்கக்கூடும் என எதிர்பார்க்கப்படுகிறது.
உயிரிழந்தவர்களில் ஒரு குழந்தையும் அடங்கியிருப்பதாக முலாட்ஸி தெரிவித்துள்ளார்.
இதேவேளை பெருமளவு தீ அணைக்கப்பட்டுள்ளதாக அதிகாரிகள் அறிவித்துள்ளனர், ஆனால் கட்டடத்தில் இருந்து இன்னமும் ஜன்னல் வாயிலாக புகை வெளியேறியவண்ணம் உள்ளதாகவும் கூறப்படுகிறது.
தீ விபத்து நிகழ்ந்த குறித்த கட்டடத்தில் சுமார் 200 பேர் வரை வாழ்ந்திருக்கலாம் என அப்பகுதி மக்கள் தெரிவித்துள்ளனர்.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
