தனியார் அரபுக் கல்லூரியின் பெண்கள் விடுதியில் பாரிய தீவிபத்து

Matara Sri Lanka Sri Lankan Schools

By Laksi Apr 29, 2024 03:58 PM GMT

Laksi

in சமூகம்

Report

மாத்தறை-வெலிகம பிரதேசத்தில் அமைந்துள்ள அரபுக் கல்லூரியின் பெண்கள் விடுதியில் பாரிய தீ விபத்து இடம்பெற்றுள்ளது.

இத்தீவிபத்து இன்று(29) குறித்த கல்லூரியின் நான்கு மாடிக் கட்டிடத்தில் மூன்றாவது மாடியில் ஏற்பட்டுள்ளது.

இந்த தீ விபத்தின் போது பாடசாலையில் சுமார் 150 மாணவிகள் சிக்கிக் கொண்டிருந்தனர்.

தீவிபத்து

எனினும் பிரதேசவாசிகள் சமயோசிதமாக செயற்பட்டு சகல மாணவிகளையும், ஒருவருக்கும் சிறு காயம் கூட ஏற்படாத வகையில் கட்டிடத்துக்கு வெளியில் கொண்டு வந்து காப்பாற்றியுள்ளனர்.

தனியார் அரபுக் கல்லூரியின் பெண்கள் விடுதியில் பாரிய தீவிபத்து | Fire Broke Out At Weligama Private Girls College

அத்துடன் பிரதேசவாசிகள் ஒன்றிணைந்து தீயைக் கட்டுப்பாட்டில் கொண்டு வந்து, அணைக்கும் முயற்சியை முன்னெடுத்திருந்தனர்.

அதன் பின்னர் மாத்தறை நகரசபையின் தீயணைப்பு வண்டிகள் சம்பவ இடத்துக்கு வருகை தந்து தீயை அணைத்துள்ளன.

தீவிபத்தில் சந்தேகம்

தீவிபத்து ஏற்பட்ட சந்தர்ப்பத்தில் குறித்த பிரதேசத்தில் மின் துண்டிக்கப்பட்டு இருந்த காரணத்தினால் மின்ஒழுக்கு ஏற்பட்டு இந்த தீ விபத்து ஏற்பட்டிருக்க வாய்ப்பில்லை என்றும், சதி நாசவேலைகள் காரணமாக இருக்கலாம் என்றும் சந்தேகம் ஏற்பட்டுள்ளது.