சிறைக்குள் புகுந்தது வெள்ளம் : துப்பாக்கிமுனையில் வெளியேற்றப்பட்ட கைதிகள்

Anuradhapura Floods In Sri Lanka Prisons in Sri Lanka

By Sumithiran Nov 29, 2025 08:38 AM GMT

Sumithiran

in இயற்கை

Report

டிட்வா புயலை அடுத்து த கனமழையால் பல இடங்களில் வெள்ளப்பெருக்கு ஏற்பட்டுள்ளது. அந்த வகையில், அனுராதபுரத்தில் ஏற்பட்ட மழைவெள்ளம் காரணமாக சிறைச்சாலைக்குள் வெள்ளம் புகுந்துள்ளது.

இதன் காரணமாக, அந்த சிறைக்குள் அடைக்கப்பட்டிருந்த கைதிகள் பாதுகாப்பாக வேறிடத்திற்கு மாற்றப்பட்டனர்.காவல் துறை அதற்கான நடவடிக்கைகளை மேற்கொண்ட போது, கைதிகள் மார்பளவு நீரில் நடந்து சென்று படகில் ஏறும் காணொளி வெளியாகியுள்ளது.

சிறை அதிகாரிகளுக்கான அறிவிப்பு

இதனிடையே நாட்டில் ஏற்பட்டுள்ள தற்போதைய பேரிடர் சூழ்நிலை காரணமாக தங்கள் பணியிடங்களை அடைய முடியாத சிறை அதிகாரிகள் உடனடியாக அருகிலுள்ள சிறைக்கு தகவல் தெரிவிக்க வேண்டும் என்று சிறைச்சாலை ஆணையர் ஜெனரல் அறிவுறுத்தியுள்ளார்.

சிறைக்குள் புகுந்தது வெள்ளம் : துப்பாக்கிமுனையில் வெளியேற்றப்பட்ட கைதிகள் | Floods Enter Prison In Anuradhapura

சிறைச்சாலைகளில் பாதுகாப்பு நடவடிக்கைகள் பாதிக்கப்பட்டுள்ளதால் இந்த முடிவு எடுக்கப்பட்டதாக அவர் மேலும் தெரிவித்தார்.

இலங்கையில் டிட்வா புயலினால் எற்பட்ட வெள்ளப்பெருக்கு, மண்சரிவால் இன்று காலை (நவ.29 சனிக்கிழமை) வரை நாடளாவிய ரீதியில் சுமார் 123 பேர் உயிரிழந்துள்ளதாகவும் 133 பேர் காணாமல் போயுள்ளதாகவும் அனார்த்த முகாமைத்துவ நிலையம் தெரிவித்துள்ளது.

இந்திய மீட்புக்குழு வருகை

இதேவேளை அவசர மற்றும் நிவாரணப் பணிகளுக்கு உதவுவதற்காக இந்திய மீட்புக் குழுவினர் இன்று (29) காலை இலங்கைக்கு வந்தனர்.

இந்திய விமானத்தில் வந்த இந்தக் குழுவில், நான்கு பெண்கள் மற்றும் 76 ஆண்கள் உட்பட 80 பணியாளர்களும் அடங்குவதுடன், நான்கு பயிற்சி பெற்ற மோப்ப நாய்களும் உள்ளன.

வெள்ளம், நிலச்சரிவுகள் மற்றும் பிற வானிலை தொடர்பான அவசரநிலைகளால் பாதிக்கப்பட்ட பகுதிகளில் அவசர தேடல் மற்றும் மீட்பு முயற்சிகளுக்கு சிறப்பு உபகரணங்களை தங்களுடன் கொண்டு வந்துள்ளனர்.