ரஷ்ய வானில் ஒரே நேரத்தில் தோன்றிய நான்கு நிலவுகள்: வைரலாகும் புகைப்படங்கள்
ரஷ்யாவில் ஒரே நேரத்தில் வானில் நான்கு நிலவுகள் தோன்றியுள்ள புகைப்படங்கள் சமூக வலைதளங்களில் பகிரப்பட்டு வருகின்றன.
ரஷ்யாவின் செயின்ட் பீட்டர்ஸ்பர்க் நகரில் கடந்த ஞாயிற்றுக்கிழமை இந்தக் காட்சி இடம்பெற்றுள்ளது.
மொத்தமுள்ள எட்டு கோள்களில் புதன் (மெர்குரி) மற்றும் வெள்ளி (வீனஸ்) கோள்களைத் தவிர மற்ற அனைத்திலும் நிலவுகள் உள்ளன. அதிகபட்சமாகச் சனி (சாட்டர்ன்) மற்றும் வியாழன் (ஜூப்பிடர்) கோள்களில் 100 இற்கும் அதிகமான நிலவுகள் உள்ளன.
போலி நிலவுகள்
பூமிக்கு ஒரு நிலவு மட்டுமே உள்ள நிலையில், ரஷ்யாவின் செயின்ட் பீட்டர்ஸ்பர்க் நகரில் மட்டும் நான்கு நிலவுகள் ஒரே நேரத்தில் வானில் தென்பட்டது எப்படி என்ற கேள்வி எழுந்துள்ளது.
இதனை மாயத்தோற்றம் (Optical Illusion) என்று வானிலை ஆர்வலர்கள் சுட்டிக்காட்டியுள்ளனர்.
இந்த நிகழ்வு பாரசெலீன் (Paraselene) அல்லது மூன் டாக் (Moon Dog) எனக் குறிப்பிடப்படுகின்றது.
இந்த பாரசெலீன் நிகழ்வு ஓர் அரிய வானிலை நிகழ்வு எனவும் ஆர்வலர்கள் தெரிவிக்கின்றனர்.
பூமியில் இருந்து 20,000 அடி உயரத்துக்கு மேல் பனிக்கட்டிகளால் உருவாகும் சிரஸ் (Cirrus) மேகக் கூட்டங்கள் வழியாக நிலவின் ஒளி ஊடுருவிச் செல்லும் போது ஏற்படும் ஒளிவிலகலால் இதுபோன்ற போலி நிலவுகள் உருவாவதாக வானிலை ஆர்வலர்கள் தெரிவிக்கின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
