கனடாவில் ஆயுதப் படையினருக்கு வெளியான மகிழ்ச்சி தகவல்

Government of Canada Canada World

By Shalini Balachandran Nov 05, 2024 06:28 PM GMT

Shalini Balachandran

in உலகம்

Report

கனேடிய (Canada) ஆயுதப் படையின் முன்னாள் வீரர்கள் மற்றும் தற்போதைய படையினருக்கு விரைவில் GO ட்ரான்சிட் போக்குவரத்து சேவையில் இலவசமாக பயணம் செய்ய முடியும் என அறிவிக்கப்பட்டுள்ளது.

குறித்த விடயத்தை ஒன்ராறியோவின் சிறுவர்கள், சமூகம் மற்றும் சமூக சேவைகள் அமைச்சர் மைக்கேல் பர்சா (Michael Barza) தெரிவித்துள்ளார்.

இதனடிப்படையில், எதிர்வரும் 2025 ஆம் ஆண்டு மார்ச் மாதம் முதலாம் திகதி தொடக்கம் ஒன்றாரியோ மாகாணத்தில் படையினருக்கான போக்குவரத்து நிவாரணத் திட்டம் நடைமுறைப்படுத்தப்படவுள்ளது.

இலவச சேவை

இந்தநிலையில், எதிர்காலத்தில் UP எக்ஸ்பிரஸ் வரை இந்த இலவச சேவையை நீட்டிக்கும் திட்டமும் இருப்பதாக அமைச்சர் தெரிவித்துள்ளார்.

கனடாவில் ஆயுதப் படையினருக்கு வெளியான மகிழ்ச்சி தகவல் | Free Ride On Go Transit Transportation Service

அத்தோடு, முன்னாள் வீரர்கள் மற்றும் அவர்களது குடும்பத்தினருக்கு வழங்கப்படும் உதவு தொகையை அதிகரிப்பதற்கு அரசாங்கம் திட்டமிட்டுள்ளதாக அவர் குறிப்பிட்டுள்ளார்.

மேலும், கனடா மற்றும் ஒன்டாரியோவை இன்றைய நிலையில் மாற்றுவதற்கு படைவீரர்கள் மகத்தான தியாகங்களைச் செய்துள்ளதாகவும் அவர்களின் நல்வாழ்வுக்கான அரசாங்கத்தின் அசைக்க முடியாத அர்ப்பணிப்புக்கு அவர்கள் தகுதியானவர்கள் என்றும் அமைச்சர் தெரிவித்துள்ளமை குறிப்பிடத்தக்கது.