35,000 முன்பள்ளி ஆசிரியர்களுக்கு இலவச பயிற்சித் திட்டம்!

Ministry of Education Preschool Children Teachers

By Sathangani Nov 06, 2026 05:14 AM GMT

Sathangani

in சமூகம்

Report

இலங்கையில் உள்ள சுமார் 35,000 முன்பள்ளி ஆசிரியர்களுக்கு, ஆரம்பப் பிள்ளைப்பருவக் கல்விக்கான தேசிய பாடத்திட்டக் கட்டமைப்பு குறித்த பயிற்சியை இலவசமாக வழங்குவதற்கு அரசாங்கம் நடவடிக்கை எடுத்துள்ளது.

அந்தவகையில், எந்தவொரு முன்பள்ளி ஆசிரியரும் தவற விடுபடாமல் இந்தப் பயிற்சியை வழங்குவதே அரசாங்கத்தின் இலக்காகும் என மகளிர் மற்றும் சிறுவர் விவகார பிரதி அமைச்சர் வைத்தியர் நாமல் சுதர்ஷன தெரிவித்தார்.

கல்வி, உயர்கல்வி மற்றும் தொழிற்கல்வி அமைச்சு மற்றும் மகளிர் மற்றும் சிறுவர் விவகார அமைச்சு ஆகியன இணைந்து இத்திட்டத்தை நடைமுறைப்படுத்துகின்றதாக தெரிவிக்கப்படுகின்றது.

விசேட தேவைகளைக் கொண்ட பிள்ளைகள்

இதற்காக தேசிய கல்வியியல் நிறுவனம் மற்றும் ஆரம்பப் பிள்ளைப்பருவ அபிவிருத்திக்கான தேசிய செயலகம் ஆகியவற்றின் பங்களிப்பும் பெறப்படுகின்றது.

தேசிய பயிற்சி முறையின் கீழ் பல கட்டங்களாக நடைமுறைப்படுத்தப்படும் இத்திட்டத்தின் மூலம், தேசிய மட்டத்திலான 108 முதன்மைப் பயிற்சியாளர்களையும், மாகாண மட்டத்திலான 556 பயிற்சியாளர்களையும் தயார்படுத்த திட்டமிடப்பட்டுள்ளது.

35,000 முன்பள்ளி ஆசிரியர்களுக்கு இலவச பயிற்சித் திட்டம்! | Free Training Programme For Preschool Teachers

ஒரு முன்பள்ளி ஆசிரியருக்கு 10 நாட்கள் பயிற்சி காலம் ஒதுக்கப்பட்டுள்ள நிலையில் தற்போது எட்டு மாகாணங்களில் பயிற்சி திட்டங்கள் ஆரம்பிக்கப்பட்டுள்ளதுடன், சப்ரகமுவ மாகாணத்திற்கான பயிற்சி திட்டம் நவம்பர் 11 ஆம் திகதி ஆரம்பிக்கப்படவுள்ளதாகவும் பிரதி அமைச்சர் குறிப்பிட்டார்.

விசேட தேவைகளைக் கொண்ட பிள்ளைகளின் கல்வித் தேவைகள் குறித்தும் இத்திட்டத்தின் கீழ் சிறப்பு கவனம் செலுத்தப்பட்டுள்ளதாக குறிப்பிடப்பட்டுள்ளது.

முன்பள்ளிக் கல்வியின் தரத்தை உயர்த்துதல், முறைசார்ந்த பாடத்திட்டமொன்றை அறிமுகப்படுத்துதல் மற்றும் ஆசிரியர்களின் தொழில்சார் திறன்களை மேம்படுத்துதல் ஆகியன இத்தேசிய திட்டத்தின் முக்கிய நோக்கங்களாகும் என பிரதி அமைச்சர் மேலும் தெரிவித்தமை குறிப்பிடத்தக்கது.