பிரான்சில் தீவிரமடையும் மாணவர் போராட்டம்: வீதியில் குவிந்த இலட்சக்கணக்கானோர்!

France World Protest

By Shalini Balachandran Oct 06, 2026 07:03 PM GMT

Shalini Balachandran

in உலகம்

Report

பிரான்ஸில் நாடு முழுவதும் மாணவர்கள் போராட்டம் தீவிரமடைந்துள்ளதாக அந்நாட்டு ஊடகங்கள் செய்தி வெளியிட்டுள்ளன.

கல்வித்துறைப் புறக்கணிப்பு, உள்கட்டமைப்புச் சீர்கேடு மற்றும் காவல்துறை வன்முறைக்கு எதிராக மாணவரகள் இந்த போராட்டத்தை முன்னெடுத்துள்ளனர்.

இந்தநிலையில் பிரான்ஸில் போராட்டம் காரணமாக 1,800 பள்ளிகள் முடங்கியுள்ளதாக தெரிவிக்கப்படுகின்றது.

கடும் கண்டனம்

அத்தோடு பாரிஸ், மார்சேய், லியோன் மற்றும் ரென்னெஸ் உள்ளிட்ட பிரெஞ்சு நகரங்களில் 2,50,000 இற்கும் மேற்பட்ட மாணவர்கள், பெற்றோர்கள் மற்றும் ஆசிரியர்கள் வீதிகளில் இறங்கிப் போராடி வருகின்றனர்.

நாட்டின் மொத்தமுள்ள 3,700 மேல்நிலைப் பள்ளிகளில் (Lycées) சுமார் 1,800 பள்ளிகள் முற்றுகையிடப்பட்டு முற்றிலும் முடங்கியுள்ளன.

பிரான்சில் தீவிரமடையும் மாணவர் போராட்டம்: வீதியில் குவிந்த இலட்சக்கணக்கானோர்! | French Students Protest Over Education Crisis

இதன்போது 15 வயது மாணவர் ஒருவர் காவல்துறை வீசிய அதிர்ச்சி வெடிகுண்டை அகற்ற முயன்றபோது அது வெடித்துத் தனது கையை இழந்துள்ளார்.

இதுவரை 200 இற்கும் மேற்பட்ட மாணவர்கள் காயமடைந்துள்ளதுடன் 3,000 இற்கும் அதிகமானோர் கைது செய்யப்பட்டுள்ளனர்.

மேலும் காவல்துறையின் கண்ணீர்ப்புகைக் குண்டு மற்றும் தண்ணீர் பீய்ச்சியடிக்கும் நடவடிக்கைகளுக்கு ஆசிரியர் சங்கங்களும் எதிர்க்கட்சிகளும் கடும் கண்டனம் தெரிவித்துள்ளமை குறிப்பிடத்தக்கது.