21ம் திகதி முதல் தடையின்றிய எரிபொருள் விநியோகம்: நாட்டு மக்களுக்கான மகிழ்ச்சி தகவல்
தடையின்றிய விநியோகம்
எதிர்வரும் 21ம் திகதி முதல் 92 ரக பெட்ரோல் மற்றும் ஒட்டோ டீசலை மக்களுக்கு தொடர்ச்சியாக விநியோகிப்பதற்கு நடவடிக்கை எடுக்கவுள்ளதாக இலங்கை கனிய வள கூட்டுத்தாபனம் குறிப்பிட்டுள்ளது.
எனவே, அதுவரை வாகனங்களுடன் எரிபொருள் நிரப்பு நிலையங்களுக்கு முன்பாக வரிசையில் காத்திருக்க வேண்டாம் என மக்களிடம் கோரிக்கை விடுக்கப்பட்டுள்ளது.
தற்போது அறிமுகப்படுத்தப்பட்டுள்ள முறைமைக்கு அமைய, வாகனங்களை வைத்திருப்போர், fuelpass.gov.lk என்ற இணையத்தளத்துக்கு பிரவேசித்து தேசிய எரிபொருள் அட்டைக்காக தங்களைப் பதிவுசெய்து கொள்ளுமாறு கோரப்பட்டுள்ளனர்.
வரிசைகள் நீங்கிய பின்னரே எரிபொருள் விநியோகம்
இதேவேளை, இலங்கை எரிபொருள் நிரப்பு நிலையங்களுக்கு, முன்பாக வரிசைகள் நீங்கிய பின்னரே எரிபொருள் விநியோகம் ஆரம்பமாகும் என வலுசக்தி அமைச்சர் கஞ்சன விஜேசேகர தமது டுவிட்டர் பதிவொன்றில் தெரிவித்துள்ளார்.
எனவே, எரிபொருள் விநியோகம் இடம்பெறும் வரையில் எரிபொருள் நிரப்பு நிலையங்களுக்கு முன்பாக வரிசையில் காத்திருக்க வேண்டாம் என அவர் அறிவுறுத்தியுள்ளார்.
இதேவேளை, நேற்றிரவு 10 மணி முதல் இலங்கை கனிய வள கூட்டுத்தாபனம் எரிபொருள் விலையை குறைத்துள்ளது.
இதன்படி, ஒக்டென் 92 ரக பெட்ரோல் 20 ரூபாவினால் குறைக்கப்பட்டு 450 ரூபாவிற்கு விற்பனை செய்யப்படுகிறது.
ஒக்டென் 95 ரக பெட்ரோல் 10 ரூபாவினால் குறைக்கப்படவுள்ளதுடன், 540 ரூபாவுக்கு விற்பனை செய்யப்படுகிறது.
அத்துடன், டீசல் 20 ரூபாவினால் குறைக்கப்பட்டு 440 ரூபாவுக்கும், சுப்பர் டீசல் 10 ரூபாவினால் குறைக்கப்பட்டு 510 ரூபாவுக்கு விற்பனை செய்யப்படுகின்றது.
125 எரிபொருள் தாங்கி ஊர்திகள் ஊடாக விநியோகம்
அதேநேரம், இலங்கை கனிய வள கூட்டுத்தாபனத்தின் விலைத்திருத்தத்திற்கு நிகராக லங்கா ஐ.ஓ.சியும் எரிபொருள் விலையை குறைத்துள்ளது.
இதேவேளை, இன்றைய தினம் நாடளாவிய ரீதியில் விநியோகிப்பதற்காக திருகோணமலை ஐ.ஓ.சி முனையத்தில் இருந்து 2 மில்லியன் லீட்டர் பெட்ரோல் நேற்றைய தினம் விடுவிக்கப்பட்டுள்ளதாக லங்கா ஐ.ஓ.சியின் நிறைவேற்று பணிப்பாளர் மனோஜ் குப்தா தெரிவித்துள்ளார்.
125 எரிபொருள் தாங்கி ஊர்திகள் ஊடாக இந்த பெட்ரோல் நாடளாவிய ரீதியில் விநியோகிக்கப்படும் என அவர் குறிப்பிட்டுள்ளார்.
புங்குடுதீவு 9ம் வட்டாரம், புங்குடுதீவு, கொழும்பு கொம்பனித்தெரு
17 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
