எரிபொருள் விலையை தீர்மானிக்கப்போகும் அரசின் மானியத்தொகை
எரிபொருளுக்காக அரசாங்கத்திடமிருந்து பெறப்பட வேண்டிய மானியத் தொகை அடுத்த வாரம் தீர்மானிக்கப்படும் என்றும், பெறப்பட்ட மானியத் தொகைக்கு ஏற்ப எரிபொருள் விலை நிர்ணயிக்கப்படும் என்றும் இலங்கை பெட்ரோலிய கூட்டுத்தாபனத்தின் தலைவர் டி. ஜே. ராஜகருண இன்று (23) தெரிவித்தார்.
தெமட்டகொடவில் உள்ள இலங்கை பெட்ரோலிய கூட்டுத்தாபன வளாகத்தில் இன்று (23) நடைபெற்ற ஒரு சிறப்பு ஊடக சந்திப்பில் அவர் இவ்வாறு தெரிவித்தார்.
எரிபொருள் பற்றாக்குறை ஏற்படாது
எரிபொருளுக்கு எவ்வளவு மானியம் வழங்குவது என்பது குறித்து அரசாங்கம் விவாதித்து வருவதாகவும், எண்ணெய் சுத்திகரிப்பு ஆலை சுமார் 315 மில்லியன் டொலர் இலாபம் ஈட்டியுள்ளதால், கடந்த காலங்களில் எரிபொருளுக்கு மானியம் வழங்க முடிந்துள்ளது என்றும் அவர் கூறினார்.
இந்தப் பிரச்சனையால் நாட்டில் எரிபொருள் பற்றாக்குறை ஏற்படாது என்றும், நெருக்கடியின் காரணமாக மற்ற நிறுவனங்கள் ஒக்டோபரில் எண்ணெய் இறக்குமதி செய்யாது என்றும், எனவே எண்ணெய் கூட்டுத்தாபனம் அதிக எரிபொருளை இறக்குமதி செய்யும் என்றும் கூறுவதில் தாம் மிகவும் பொறுப்புடன் இருப்பதாக அவர் தெரிவித்தார்.
எரிபொருள் கையிருப்பு
நாட்டில் எரிபொருள் கையிருப்பு தாராளமாக இருப்பதாகவும், விநியோகத்தில் எந்தப் பிரச்சனையும் இல்லை என்றும், போரின் காரணமாக விலை உயர்வு மட்டுமே பிரச்சனையாக இருந்து வருகிறது என்றும் ராஜகருண மேலும் குறிப்பிட்டார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
யாழ்ப்பாணம், வவுனியா, கனடா, Canada, Montreal, Canada
31 Aug, 2015
