இலங்கையில் பெற்றதாயை தேடி அலையும் ஜேர்மன் பெண்
ஜேர்மனியில் வசிக்கும் இலங்கைப் பெண் ஒருவர், 14 வருடங்களாக தன்னைப் பெற்ற தாயைத் தேடி, மீண்டும் ஒருமுறை இலங்கைக்கு வந்துள்ளார்.
அவர் பெயர் ஜனா பெக்கர். இவரது பிறப்புச் சான்றிதழில் உள்ள இலங்கைப் பெயர் வாசனா மல்கந்தி. அவர் மூன்று வார குழந்தையாக இருந்தபோது அவருடைய தாயால் ஒரு ஜெர்மன் தம்பதியருக்கு தத்தெடுக்க கொடுக்கப்பட்டார் தற்போது. ஜெர்மனியின் பிராங்பேர்ட்டில் வசிக்கிறார்.
கொழும்பு காஸல் ஸ்ட்ரீட் வைத்தியசாலையில் பிறந்த இவர்
1990 ஆம் ஆண்டு ஏப்ரல் மாதம் 20 ஆம் திகதி காலை 7.30 மணியளவில் கொழும்பில் உள்ள காஸல் ஸ்ட்ரீட் வைத்தியசாலையில் பிறந்த இவர், ஒவ்வொரு முறை இலங்கைக்கு வரும்போதும் தனது தாயார் அருகில் இருப்பார் என்ற நம்பிக்கையில் காஸல் வைத்தியசாலைக்கு அருகில் செல்வதை மறப்பதில்லை என்றும் அவர் கூறுகிறார்.
இலங்கையின் பல நகரங்களில் தனது தாயை தேடியதாக அவர் கூறுகிறார். வானொலி, தொலைக்காட்சி மற்றும் செய்தித்தாள்களில் விரிவான கட்டுரைகள் வெளியிடப்பட்டாலும், தாயைப் பற்றிய எந்த குறிப்பிட்ட தகவலையும் பெற முடியவில்லை.
அம்மாவை ஒருமுறை பார்த்து விட வேண்டும்
அம்மாவை ஒருமுறை பார்த்து விட வேண்டும் என்ற நம்பிக்கை இருக்கிறது என்கிறார். எப்பொழுதும் தன்னை பெற்ற தாயின் குறையை உணர்ந்து அவளிடம் பேசுவதையும் ஒருமுறை கட்டிப்பிடிப்பதையும் விரும்புவதாக சொல்கிறார். இருப்பினும், பல்வேறு பெண்கள் அவரது தாய் எனக் கூறி முன்வருவதால், அவர்கள் நிச்சயமாக அவளுடைய தாயா என்பதை உறுதிப்படுத்த டி.என்.ஏ சோதனை நடத்தவும் அவள் தயாராக உள்ளார்.
இது தொடர்பில் 0711 31 78 33 என்ற இலக்கத்திற்கு தொடர்பு கொள்ளுமாறு அவர் கோரியுள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
சிறுப்பிட்டி மேற்கு, Wembley, United Kingdom, Milton Keynes, United Kingdom
21 May, 2022
Luton, United Kingdom, Toddington, United Kingdom, Milton Keynes, United Kingdom
02 Jun, 2022
