ஞானசாரதேரரின் காவியுடை களைவு :அரசின் நிலைப்பாடு வெளியானது

Department of Prisons Sri Lanka Galagoda Aththe Gnanasara Thero Nalinda Jayatissa

By Jaso Oct 06, 2026 03:38 PM GMT

Jaso

in அரசியல்

Report

கலகொட அத்தே ஞானசார தேரர் சிறையில் இருக்கும்போதும் நீதிமன்றத்தில் ஆஜராகும்போதும் அணியும் உடை உள்ளிட்ட நடைமுறைகள் அனைத்தும், சிறைச்சாலைகள் கட்டளைச் சட்டம் மற்றும் சிறைச்சாலை விதிகளுக்கு இணங்கவே மேற்கொள்ளப்பட்டதாக அமைச்சரவை பேச்சாளரும் அமைச்சருமான நலிந்த ஜயதிஸ்ஸ தெரிவித்தார்.

இன்று (06) நடைபெற்ற அமைச்சரவை முடிவுகளை அறிவிக்கும் ஊடகவியலாளர் சந்திப்பில், ஞானசார தேரர் விவகாரத்தில் பின்பற்றப்பட்ட நடைமுறைகள் மற்றும் அவர் சாதாரண உடையில் நீதிமன்றத்தில் ஆஜராகியது குறித்த கேள்விகளுக்குப் பதிலளித்த அமைச்சர் ஜயதிஸ்ஸ, அவருக்கு எந்தவொரு விசேட நடைமுறையும் பின்பற்றப்படவில்லை என்று குறிப்பிட்டார்.

சிறைச்சாலை நடைமுறை

"சிறைச்சாலைகள் கட்டளைச் சட்டத்தின் கீழ் பின்பற்றப்பட வேண்டிய ஒரு நடைமுறை உள்ளது. இந்தச் சம்பவத்தில் விசேடமாக எதுவும் செய்யப்படவில்லை," என்று அவர் கூறினார்.

ஞானசாரதேரரின் காவியுடை களைவு :அரசின் நிலைப்பாடு வெளியானது | Gnanasara Thera Subject To Same Prison Rules

தற்போது சிறைத்தண்டனை அனுபவித்து வரும் 63 பௌத்த பிக்குகளின் விவகாரத்திலும் இதே நடைமுறையே பின்பற்றப்பட்டதாக அமைச்சர் தெரிவித்தார்.

சிறையில் உள்ள 63 பௌத்த பிக்குகள்

"தற்போது சிறையில் தண்டனை அனுபவித்து வரும் 63 பௌத்த பிக்குகளின் விஷயத்தில் பின்பற்றப்பட்ட அதே நடைமுறைதான் கலகொட அத்தே ஞானசார தேரரின் விஷயத்திலும் பின்பற்றப்பட்டுள்ளது," என்று ஜயதிஸ்ஸ கூறினார்.

இந்த நடைமுறை ஞானசார தேரருக்கு மட்டும் பிரத்தியேகமாகப் பின்பற்றப்பட்டதல்ல என்றும், சிறைச்சாலைகள் கட்டளைச் சட்டத்தின் கீழ் பின்பற்றப்படும் பொதுவான நடைமுறையின் ஒரு பகுதி இது என்றும் அவர் மீண்டும் வலியுறுத்தினார்.